Ukutantika Ukulongana Kwa Mulimo

Umulungu wa Kutampa August 14

Ulwimbo 163

15 min: Ukubilisha kwa pa mwenu. Landeni pa cipande cileti “Programu Na Imbi iya Kulongana Kwaibela.” Bilisheni ubushiku bwa kulongana kwaibela ukukakonkapo nga namwishiba. Bomfyeni ifyebo fili pe bula 4 nelyo fimbi ifingalinga uko mushimikila no kulangilila ifya kushiila abantu Ulupungu lwa kwa Kalinda ulwa August 15, na Loleni! ya July-September. Mu cilangililo cimo, langilileni ifya kucita nga mwasanga abashifwaya ukulanshanya na bo, abasosa ati, “Nshatemwa Inte sha kwa Yehova.”—Moneni icitabo ca Ukupelulula, amabu. 17 na 18.

15 min: “Awake! Yaibela Iyo Tukalashiila Abantu mu September.”a Ilyo mulelanshanya paragrafu 4, citeni icilangililo icipi, mulangilile umwaice aleshalika Awake! ya September kuli bakafundisha wakwe. (Uko bashikwete Awake! kuti balanshanya fye ici cipande ne bumba, ukulanshanya kwa cipusho ne casuko. Kuti balanda pa mpapulo shimbi isho bengashalika pamo nga trakiti yalenga 23 iitila, Yehova Nani? na broshuwa itila Bushe Ubumi Bwalikwata Imifwaile? Koselesheni abafyashi ukulanshanya na bana babo icipandwa 3 mu citabo citila Sambilila Kuli Kasambilisha Mukalamba, icakwata umutwe utila, Uwapangile Ifintu Fyonse.)

15 min: Bushe Bucibusa na Bana be Sukulu Banandi Bufwile Ukupelela Pi? Ilyashi no kulanshanya ne bumba lyonse muli Loleni! ya July-September 2006 pa mabula 16-18. Ebeni abali mwi bumba abakulile mu mayanda ya Bena Kristu balande ifyo abafyashi babo balebafunda, ifyabafwile ukukanawila mu mafya e lyo no kubafwa ukukonka ifyo Baibolo isambilisha ilyo bali pa sukulu. Umuntu umo nelyo babili, bena kuti mwabebela kabela ukuti bakalandepo.

Ulwimbo 164 ne pepo lya kusondwelela.

Umulungu wa Kutampa August 21

Ulwimbo 62

10 min: Ukubilisha kwa pa mwenu no kubilisha kwasoobolwamo mu Ubutumikishi Bwesu Ubwa Bufumu. Landeni pali “Programu na Imbi iya Kulongana kwa Muputule” kabili bilisheni ubushiku mukalongana umuputule nga namwishiba.

15 min: Ukumwenamo mwi Sambililo lya Ulupungu lwa kwa Kalinda ne Lyashi lya Baibolo. Ilyashi no kulanshanya ne bumba lyonse mu citabo ca Abaiteyanya Ukucita Ukufwaya kwa kwa Yehova, pe bula 59 ukufika pe bula 64.

20 min: Pekanyeni Nomba Ukubomba Bupainiya bwa Kwafwilisha! Ilyashi no kulanshanya ne bumba lyonse. Koselesheni abantu ukupekanya ukubombako bupainiya bwa kwafwilisha nangu mweshi umo fye mu mwaka wa mulimo uuleisa. (1 Kor. 9:26) Bamo kuti basala umweshi umulecitika fimo ifyaibela nelyo umweshi umwaba amaholide nelyo uukwete ifibelushi ne nshiku sha mulungu ishingi. Ipusheni ibumba amuti: “Mwacimfishe shani amafya ku numa pa kuti mubombeko bupainiya? Fisuma nshi mwasangile mu kubomba bupainiya? Nga mulafwaya ukubombako bupainiya nomba tamwaishiba bwino nga kuti mwakumanisha, mulandu nshi mulingile ukupepela pali uyu mulandu? (Imil. 4:29; 2 Kor. 4:7; Yako. 1:⁠5) Mulandu nshi cawamina ukulanda pali uyu mulandu na ba pa ng’anda e lyo na bantu bambi mu cilonganino maka maka balya abalefwaya na bo ukubombako umulimo. (Amapi. 15:22) Ni lilali mulefwaya ukubombako bupainiya bwa kwafwilisha?”

Ulwimbo 216 ne pepo lya kusondwelela.

Umulungu wa Kutampa August 28

Ulwimbo 17

10 min: Ukubilisha kwa pa mwenu. Belengeni lipoti wa ndalama no kutasha ukwafumine ku musambo pa musangulo mwatumine. Cinkuleniko bakasabankanya ukuleta amalipoti ya mulimo wa mwi bala aya mu August. Bomfyeni ifyebo fili pe bula 4 nelyo fimbi ifingalinga uko mushimikila ku kulangilila ifya kushalika Ulupungu lwa kwa Kalinda ulwa September 1 na Loleni! ya July-September nga mwabwelela ku bo mushiila magazini.

15 min: Na Imwe Kuti Mwakoseleshako Bambi. (Rom. 1:11, 12) Ilyashi no kulanshanya ne bumba lyonse. Landeni impendwa ya bapainiya ba nshita yonse ababa mu cilonganino cenu. Landeni pa fyo twingacita pa kubakoselesha, ifili nga ukubatasha, ukulanda pa fisuma fyaba muli bupainiya, ukubomba na bo, no kubeta ku kulya na ifwe ifya kulya, no kubafwilishako mu myendele. Ebeni bapainiya ba nshita yonse ukulanda ifyo bambi babakoselesha. Nga ca kutila pa cilonganino tapaba bapainiya ba nshita yonse, landeni pa fyo twingakoselesha ababombako bupainiya bwa kwafwilisha.

20 min: Mulekoseleshiwa Ukutendeka Isambililo lya Baibolo mu September. Ilyashi ne filangililo. Mu September tukabika sana amano ku kutendeka amasambililo ya Baibolo mu citabo ca Baibolo Isambilisha. Kanshi ilyo twashalika icitabo, tukafwaya ukulanshanya no mwine wa ng’anda amaparagrafu yanono muli ici citabo. Citeni ifilangililo fibili umuli ukulanshanya pa fintu ifyakuma sana abantu mu cifulo mushimikila. Mu cilangililo cimo cimo, langilileni ifya kupangana no mwine wa ng’anda pa kuti mukabweleleko no kutwalilila ukulanshanya.

Ulwimbo 37 ne pepo lya kusondwelela.

Umulungu wa Kutampa September 4

Ulwimbo 90

10 min: Ukubilisha kwa pa mwenu. Pitulukeni muli lipoti ya mulimo wa mwi bala iya Zambia. Tasheni icilonganino cenu pa fyo na co cabombeshe pa kuti lipoti iwame.

15 min: Ukukabila kwa pa mwenu

20 min: “Langeni Ukuti Mulasakamana Abantu—Pa Kubila Ukwabula Akapaatulula.”b Ilyo mulelanda pe lembo lya Abena Roma 1:14, ilili mu paragrafu 2, landeni na pa fyebo fyaba mu citabo ca Insight, Volume 1, amabula 255, mu paragrafu 1 pa kamutwe katila: “Barbarian.” Pa numa ya kulanshanya paragrafu 3, pitulukeni mu fintu fitatu ifyo tufwile ukucita, ifyo akatabo ka Good News for People of All Nations kalanda pe bula 2. Lyena mulangilile ifya kubomfya aka katabo pa kubila ku bantu abalanda ululimi lumbi abekala mu cifulo cenu.

Ulwimbo 225 ne pepo lya kusondwelela.

[Amafutunoti]