Ukutantika Ukulongana Kwa Mulimo

Umulungu wa Kutampa September 11

Ulwimbo 20

10 min: Ukubilisha kwa pa mwenu. Salenimo ifyo mwingatemwa ukubilisha mu Ubutumikishi Bwesu Ubwa Bufumu. Koselesheni bonse ukutamba vidio itila Young People Ask—How Can I Make Real Friends? ilyo bakalapekanya ilyashi lya kulanshanya ilikaba mu Kulongana kwa Mulimo mu mulungu wa September 25. Nga tamukwete vidio, koselesheni bonse ukubelenga icipandwa 8, pe ibula 65 ukushinta pa 67 mu citabo ca Ifipusho Abacaice Bepusha-Ifyasuko Fibomba. Bomfyeni ifyebo fili pe bula 4 nelyo ifyebo fimbi ifingabomba bwino ku mwenu, ku kulangilila ifyo mwingapeela umuntu Ulupungu lwa kwa Kalinda ulwa September 15 na Loleni! ya July-September. Mu cilangililo cimo, langilileni ifyo mwingalanda nga bamweba ati ‘na ine ndapepa.’–Moneni icitabo ca Ukupelulula, ibula 18-19.

20 min: Nonkelenimo mu Kulongana kwa Mulimo na mwi Sukulu lya Butumikishi Ilya Bulesa. Ilyashi no kulanshanya ne bumba ukufuma mu citabo ca Abaiteyanya ku Kucita Ukufwaya kwa kwa Lesa, ukufuma pa kamutwe kanono pe bula 64 ukufika pa kamutwe kanono pe bula 69.

15 min: Kalata Ukufuma ku Musambo. Ilyashi no kulanshanya ne bumba kalata ili pe bula lya kubalilapo ilya buno Ubutumikishi Bwesu Ubwa Bufumu. Landeni na pa Mukululo wa Fipusho mu Ubutumikishi bwa January 2005.

Ulwimbo 126 ne pepo lya kusondwelela.

Umulungu wa Kutampa September 18

Ulwimbo 213

5 min: Ukubilisha kwa pa mwenu.

15 min: Bushe Twabombele Shani Umwaka Wapwile? Kangalila wa mulimo apituluka mu fyo icilonganino cabombele mu mwaka wa mulimo uwapwile, akomaila pa fisuma ifyafumine mu kubombesha mu mulimo wa mwi bala. Tasheni icilonganino umo cabombele bwino. Landeni ulubali lumo nelyo shibili umo balingile ukubombela uyu mwaka uleisa. Landeni pa mulimo wa bapainiya, batasheni pa fyo bacincila mu mulimo. Shimikeni ifyafumine mu kubombesha kwa kwafwa abanaka.

25 min: “Ukutendeka pa 16 October Ukushinta pa 12 November Kukaba Kampeni Waibela!” Ukulanshanya kwakaba ukutungululwa na eluda. Pa numa ya kubelenga ukubilisha ukuli muli kalata amabumba ya baeluda batuminwe iyalembelwe pa July 6, 2006, peeleni bonse abasangilwe ku kulongana trakiti wa Imbila ya Bufumu Na. 37 imo imo. Lyena tendekeni ukulanshanya icipande, icipusho ne casuko. Landeni ifyo mupekenye pa kuti mukapeele abantu bonse mu cifulo cenu ico mubombelamo. Koselesheni bakasabankanya bonse ukubombesha muli uyu kampeni. Citeniko icilangililo icipi ku kulangilila ifya kupeela abantu uyu trakiti.

Ulwimbo 50 ne pepo lya kusondwelela.

Umulungu wa Kutampa September 25

Uwimbo 94

10 min: Ukubilisha kwa pa mwenu. Belengeni lipoti wa ndalama na kalata yafumine ku musambo ukutasha icilonganino pa bupe catumine. Cinkuleniko bakasabankanya ukulemba amalipoti ya mulimo wa mwi bala aya mu September. Bomfyeni ifyebo fili pe bula 4 nelyo ifyebo fimbi ifingabomba bwino ku mwenu, ku kulangilila ifyo mwingapeela umuntu Ulupungu lwa kwa Kalinda ulwa October 1 nelyo Loleni! ya July-September ilyo mulebomba ubunte bwa mu musebo.

25 min: “Vidio Iilenga Umuntu Ukwiluka.”a Ilyo mulelanshanya paragrafu ya kubalilapo, ipusheni icilonganino ukulandapo panono ifyo batemwamo muli vidio itila Young People Ask—How Can I Make Real Friends? Lyena tendekeni ukulanshanya icipusho cimo cimo mu paragrafu 2 ukufika mu 7. Nga tapali nangu bamo abatambile vidio, lanshanyeni ne bumba lyonse ifyebo fyaba mu citabo ca Ifipusho Abacaice Bepusha-Ifyasuko Fibomba icipandwa 8, pe ibula 65 ukushinta pa 67 na pe bula 70 ukufika pa 72. Pa kusondwelela, na kabili koselesheni indupwa ukupekanya ukuti ku ntanshi bakatambile pamo vidio ya pa DVD iitila Young People Ask—What Will I Do With My Life?

10 min: Ifyacitike mwi Bala. Ebeni ibumba ukushimika ifisuma basangile mwi bala ilyo baletambika Awake! yaibela iya September nelyo ilyo baletendeka amasambililo ya Baibolo pa muku wa kubalilapo bashalike icitabo ca Baibolo Isambilisha. Kuti mwacita ne cilangililo cimo nelyo fibili ku kulangilila ifyo cali.

Ulwimbo 183 ne pepo lya kusondwelela.

Umulungu wa Kutampa October 2

Ulwimbo 36

10 min: Ukubilisha kwa pa mwenu. Landeni pa mukululo wa mepusho.

15 min: Ukukabila kwa pa mwenu.

20 min: “Ukushimikila ku Ng’anda ne Ng’anda.”b Nga kuli inshita, ebeni ibumba ukulanda pa malembo yabikilwemo ayashambwilwe.

Ulwimbo 127 ne pepo lya kusondwelela.

[Amafutunoti]