Ukutantika Ukulongana Kwa Mulimo

Umulungu wa Kutampa February 12

Ulwimbo 52

10 min: Ukubilisha kwa pa mwenu. Bomfyeni ifyebo fili pe bula 8 nelyo ifyebo fimbi ifingalinga mu cifulo mushimikila, ukucita icilangililo pa fya kushalika Ulupungu lwa kwa Kalinda ulwa February 15 na Loleni! ya January-March. Mu cilangililo cimo, langilileni ifyo mwingalanda nga bamweba ukuti ‘Nshifwaya ifya mapepo.’—Moneni icitabo ca Ukupelulula, ibu. 16 ukufika ku 17.

35 min: “Bileni Konse Konse Ukupuulama kwa kwa Yehova.”a Uukalanda ili lyashi ni kangalila wa mulimo. Nga mwafika pa cishinka icilingile ilyo mulelanshanya, bilisheni inshita Icibukisho cikatampa ne cifulo, inshiku shimbi isho mutantike ne nshita ya kukumana kwa mu mulimo wa mwi bala, e lyo no buyo icilonganino cikwete ubwa bapainiya ba kwafwilisha mu April.

Ulwimbo 147 ne pepo lya kusondwelela.

Umulungu wa Kutampa February 19

Ulwimbo 198

5 min: Ukubilisha kwa pa mwenu.

20 min: “Pashanyeni Kasambilisha Mukalamba Ilyo Mulebomfya Icitabo ca Baibolo Isambilisha.”b Ilyo mulelanshanya paragrafu 6, citeni icilangililo icipi umuli kasabankanya uulebomfya umukululo pa mpela ya cipandwa 6 mu citabo ca Baibolo Isambilisha ku kupituluka mu cipandwa no musambi wakwe.

20 min: Bushe Kuti Mwatendeka Isambililo lya Baibolo mu March? Ukulanshanya ne bumba. Inshiku sha kubalilapo 15 mu March, tukalashalika icitabo ca Baibolo Isambilisha kabili ubuyo bwesu bukaba bwa kutendeka amasambililo ya Baibolo. Pitulukeni mu fyebo fyaba mu ca mu kati mu Ubutumikishi Bwesu Ubwa Bufumu ubwa January 2006, pa mabula 3 ukushinta kwi bula 6. Bomfyeni ifyebo fili pe bula 6 nelyo ifyebo fimbi ifingalinga mu cifulo mushimikila, ukucita icilangililo, ukulangilila ifya kutendeka isambililo lya Baibolo pa muku wa kubalilapo. Ebeni ibumba ukushimika ifisuma ifyacitike mwi bala ilyo balebomfya ici citabo, maka maka pa kutendeka amasambililo ya Baibolo.

Ulwimbo 220 ne pepo lya kusondwelela.

Umulungu wa Kutampa February 26

Ulwimbo 29

10 min: Ukubilisha kwa pa mwenu. Belengeni lipoti ya ndalama na kalata ya kutasha icilonganino pa musangulo catumine. Bomfyeni ifyebo fili pe bula 8 nelyo ifyebo fimbi ifingalinga mu cifulo mushimikila, ukucita icilangililo pa fya kushalika Ulupungu lwa kwa Kalinda ulwa March 1 na Loleni! ya January-March. Mu cilangililo cimo, langilileni kasabankanya alebombela mu cifulo ca makwebo.

15 min: “Mwilalaba Abanaka.”c Landeni na pa fyebo fyaba mu Ulupungu lwa kwa Kalinda ulwa May 1, 2004, amabula 21 na 22, amaparagrafu 13 ukushinta ku 16.

20 min: “Pashanyeni Kristu mu Mulimo Wenu.”d Nga kuli inshita, ebeni ibumba ukubelenga no kulanda pa malembo yashambwilwe.

Ulwimbo 18 ne pepo lya kusondwelela.

Umulungu wa Kutampa March 5

Ulwimbo 32

15 min: Ukubilisha kwa pa mwenu. Ukubilisha kwasoobolwamo mu Ubutumikishi Bwesu Ubwa Bufumu. Peleeni bonse abali mwi bumba akapepala ka kwitilapo abantu ku Cibukisho kamo kamo, kabili pitulukeni mu mitantikile ya pa mwenu iya kusabankanya aka kapepala mu cifulo mushimikila. Koselesheni bonse ukubombesha. Citeni ne cilangililo ukulangilila ifyo twingacita pa kupeela bantu aka kapepala.

15 min: Ukubila Imbila Nsuma mu Muyano. Ilyashi no kulanshanya ne bumba ukufuma mu citabo ca Abaiteyanya Ukucita Ukufwaya kwa kwa Yehova, ukufuma pa kamutwe kanono pe bula 102 ukushinta ku mpela ya cipandwa.

15 min: “Twalipeelwa Icuma.”e Nga kuli inshita, ebeni ibumba ukulanda pa malembo yashambwilwe.

Ulwimbo 104 ne pepo lya kusondwelela.

[Amafutunoti]