Ukupitulukamo Kwe Sukulu Lya Butumikishi Ilya Bulesa
Amepusho yakonkapo yakapitulukwamo mwi Sukulu lya Butumikishi Ilya Bulesa mu mulungu wa kutampa uwa June 25, 2007. Kangalila we sukulu akatungulula ukupitulukamo ukwa maminiti 30 ukukafuma mu fyebo fyalandilwe mu malyashi ya mulungu wa May 7 ukufika June 25, 2007. [Icishibisho: Apashili ica kuloshako, mufwile ukuisapikila pa kusanga amasuko.—Moneni icitabo ca Nonkelenimo, amabu. 36-7.]
UKUFUNDA PA MILANDILE
1. Ilyo tulelanda, kuti twacita shani pa kuti twingacefyako ukusakamana pa kuti ishiwi liwamineko? [be ibu. 185 amapara. 1-3]
2. Bushe kuti ‘twaba shani fyonse ku ba misango yonse’ ilyo tuleshimikila? (1 Kor. 9:20-23) [be ibu. 186 amapara. 2-4]
3. Kuti twacita shani pa kuti twingapashanya Yehova ukukutika kuli bambi? (Ukute. 18:23-33; 1 Isha. 22:19-22) [be ibu. 187 amapara. 1-2, 5]
4. Ni nshila nshi ishisuma isho twingabomfya ukwafwa bantu bambi ukuya pa ntanshi mu kusambilila Icebo ca kwa Lesa? [be ibu. 187 para. 6-ibu. 188 para. 3]
5. Mulandu nshi tulingile ukubikilako amano ku kucindika abantu bambi? [be ibu. 190 para. 3, umukululo]
ILYASHI NA. 1
6. Mulandu nshi tulingile ukwesha na maka ukufika pa mitima ya bo tulesambilisha? [be p. 59 para. 1]
7. Bushe ica kumwenako cesu cafwa shani abo tusambilisha? [be ibu. 61 para. 1]
8. Ni shani twingawamyako amaka ya kulanshanya mu ng’anda mu mwesu? [be ibu. 62 para. 3]
9. Ca kumwenako nshi ica kushipa ico tumona muli kasesema Yeremia? [si ibu. 129 para. 36]
10. Kucetekela nshi uko Inyimbo sha Bulanda shalumbulula, lelo mulandu nshi cabele ca kunonsha mu kulangisha ukukosa kwa kwa Lesa? [si ibu. 132 para. 13]
UKUBELENGA BAIBOLO UKWA CILA MULUNGU
11. Ukulingana ne fyo cali kuli Yeremia nga fintu calondololwa pali Yeremia 37:21, bushininkisho nshi twingakwata?
12. Bushe cinshi cifwile calengele ukuti Baruki alande ukuti Yehova ‘namulundilako ubulanda ku kukalipwa kwakwe,’ ukumulenga ‘ukufunshika,’ bushe Baruki acitile shani pali ubu bwafya? (Yer. 45:1-5)
13. Ni lilali umusumba wa Babiloni wasangwike icibolya, ukushala fye “icapomoka”? (Yer. 50:13)
14. Cishinte nshi pe pepo icalondololwa bwino pa Inyimbo sha Bulanda 3:8, 9, 42-45?
15. Cinshi caimininwako ne celeta ilyalondololwa muli Esekiele icipandwa 1?