Ifya Kubilisha

◼ Impapulo sha kushalika mu June: Shalikeni icitabo ca Creator nangu ica Insansa sha Lupwa. July na August: Broshuwa onse uwa mabula 32 pali aya kuti abomfiwa: Bushe Lesa mu Cituntulu Alatusakamana?, Ipakishe Ubumi pe Sonde Kuli Pe na Pe!, Mulelola!, “Moneni! Ifintu Fyonse Nafilenge Fipya, Bushe Ulingile Ukusumina Muli Bulesa Butatu?, Ishina lya Bulesa Ilikatwalilila Kuli Pe na Pe, Kamfulumende Iikaleta Paradise, Cinshi Cicitika Nga Twafwa?, Cinshi Caba Imifwaile ya Bumi?—Ni Shani Fintu Wingaisanga?, e lyo na Ilyo Untu Watemwa Afwa. Kuti mwashiila abantu abengatemwa na ya mabroshuwa yakonkapo: A Book for All People, Our Problems—Who Will Help Us Solve Them?, Imipashi ya Bafwa—Bushe Kuti Yakwaafwa Nelyo Ukukucena? Bushe mu Cituntulu Eko Yaba?, ne ya kuti Will There Ever Be a World Without War? September: Bushe Cinshi Baibolo Isambilisha? Bombesheni ukutendeka amasambililo ya Baibolo pa muku wa kubalilapo. Nga ca kuti balikwata kale ici citabo, balangeni mu kwipifya ifyo isambililo lya Baibolo liba.

◼ Kangalila wa kutangilila nelyo umbi uo engasala afwile ukupituluka mu ndalama sha cilonganino isha mu March, mu April, na mu May. Nga apitulukamo, mufwile ukubilisha ku cilonganino pa numa ya kubelenga lipoti wa ndalama uukakonkapo.—Moneni Amakambisho pa fya Kubomba na Maakaunti ya Cilonganino (S-27).

◼ Nomba line tukatumina ifilonganino fyonse amaformu ya kubomfya mu Mwaka wa Mulimo uwa 2008 mu maenifulupu ayakalamba. Tukabikamo na: Amaenifulupu ya Kutuminamo Lipoti (rce), Lipoti wa Cilonganino (S-1), Literature Request Form (S-14), Formu wa Kutuminapo Imisangulo (S-20), Lipoti wa Kupenduluka mu Maakaunti ya Cilonganino (S-25), Ipepala lya Maakaunti (S-26), Lipoti wa Ndalama uwa Cila Mweshi ku Cilonganino (S-30), Orda wa Cilonganino (M-202), Ukulomba Bupainiya bwa Kwafwilisha (S-205b), Ukwalula Akeyala ka kwa Kangalila wa Kutangilila (S-29), Mukwai Fwayeni Uyu Muntu (S-43), na Congregation Meeting Information (S-5). Nga mulefwaya amaformu na yambi, kuti mwaorda muli orda uwa mpapulo uukakonkapo. Mukwai mukalebomfya amaformu yonse ku mulimo yalembelwa epela.

◼ Tulingile ukuipekanya pa kuti tukembe bwino inyimbo sha pa Kulongana kwa Citungu ukwa uno mwaka ukuleti “Konkeni Kristu!.” Ishi e nyimbo tukemba pa kulongana: 4, 11, 31, 34, 38, 42, 91, 105, 150, 160, 168, 181, 191, 200, 205, 207, 209, na 224. Kanshi baeluda bakapekanya ukuti icilonganino conse cikalepituluka muli ishi nyimbo. Ifwe bonse tukapitulukemo bwino muli ishi nyimbo ilyo kucili inshita pa kutila tukaleimba ukufuma pa nshi ya mutima, aba nsansa, kabili abacincimuka ilyo tukalaimba ku kulumbanya Yehova.

◼ Impapulo shipya ishilipo:

Watch Tower Publications Index 2001-2005 (dx01-05)—ciSwahili

◼ AmaCD ayapya ayalipo:

Kingdom Melodies–MP3 (mpmel)—mu ciNgeleshi