Ukutantika Ukulongana Kwa Mulimo

Umulungu wa Kutampa August 13

Ulwimbo 20

15 min: Ifya kubilisha fya pa mwenu. Citeni icilangililo ukulangilila ifyo mwingalanda pa kushalika Ulupungu lwa kwa Kalinda ulwa August 15 na Loleni! ya July-September, ukubomfya ifyebo fili pe bula 8, nangu kuti mwalanda fye fimbi ifingabomba ku mwenu. Mu cilangililo cimo, lekeni kasabankanya abomfye ifyebo fili mu paragrafu 3 pe bula 3 muli buno Ubutumikishi Bwesu Ubwa Bufumu ukwipusha icipusho ico akasuka nga acita icipempu ca kubwelelamo. Lanshanyeni “Programu Iipya Iya Kulongana kwa Muputule.” Bilisheni inshiku sha kulongana kwa muputule ukukakonkapo nga ca kuti namushishiba.

15 min: Ukumwenamo mu Kunakila Bumutwe Ubo Lesa Abikako. Ilyashi no kulanshanya ne bumba. Lifumine mu cipandwa 15 mu citabo ca Abaiteyanya Ukucita Ukufwaya kwa kwa Yehova.

15 min: “Ukupepa Yehova Pamo no Lupwa.”a Ebeni ibumba ukulanda ifyo banonkelamo mu kubomba umulimo wa kubila imbila nsuma pamo no lupwa. Kasabankanya umo nangu babili bena kuti mwabebela limo.

Ulwimbo 48 ne pepo lya kusondwelela.

Umulungu wa Kutampa August 20

Ulwimbo 100

10 min: Ifya kubilisha fya pa mwenu. Lanshanyeni “Programu Iipya iya Kulongana Kwaibela Ukwa Bushiku Bumo,” e lyo bilisheni no bushiku bwa kulongana kwaibela ukukakonkapo nga namubwishiba.

15 min: Mu September Tendekeni Isambililo lya Baibolo pa Muku fye wa Kubalilapo Mwatandalila Umuntu. Ukulanshanya ne bumba. Mu September tukalashalika icitabo ca Ico Baibolo Isambilisha kabili tukalafwaya ukulanshanya amaparagrafu ayanono no mwine wa ng’anda pa muku fye wa kubalilapo twamutandalila. Pitulukeni mu fyebo fyaba mu ca mu kati icaba mu Ubutumikishi Bwesu Ubwa Bufumu ubwa mu January 2006, kabili citeni icilangililo cimo nangu fibili ukulangilila ifya kutendeka isambililo lya Baibolo pa muku wa kubalilapo.

20 min: “Ifyo Isambililo lya Citabo pa Cilonganino Litwafwa.”b Ilyo mulelanshanya paragrafu 5, landeni na pa fyebo fyaba pe bula 40 mu paragrafu 3 mu citabo ca Abaiteyanya.

Ulwimbo 6 ne pepo lya kusondwelela.

Umulungu wa Kutampa August 27

Ulwimbo 98

10 min: Ifya kubilisha fya pa mwenu. Belengeni lipoti ya ndalama na kalata ya kutasha iyafumine ku musambo, iilelanda pa musangulo mwatumine. Citeni icilangililo ukulangilila ifyo mwingalanda pa kushalika Ulupungu lwa kwa Kalinda ulwa September 1 na Loleni! ya July-September, ukubomfya ifyebo fili pe bula 8, nangu kuti mwalanda fye fimbi ifingabomba bwino uko mwikala.

10 min: ‘Citeni Ifibusa Kuli Mamone Uushalungama.’ Ili lyashi lifumine mu Ulupungu lwa kwa Kalinda ulwa December 1, 1994, pa mabula 13 ukushinta ku 18, uukalanda ni eluda.

25 min: “Umulimo Uusuma Uo Twingapanga Ukubombako mu Mwaka wa Mulimo Uupya.”c Ipusheni kasabankanya umo nangu babili ababombeleko bupainiya bwa kwafwilisha nomba line. Bayalwile shani inshita yabo? Bushe banonkelemo shani? Nga ca kuti kwali ababombele bupainiya bwa kwafwilisha pa mulandu wa kuti aba mu lupwa lwabo e babakoseleshe no kubafwilisha, ninshi pali balya muleipusha, umo afwile ukuba ni uyu kasabankanya. Ilyo mulelanshanya paragrafu 9, landeni inshiku kangalila wa muputule akatandala nga ca kuti namwishiba.

Ulwimbo 196 ne pepo lya kusondwelela.

Umulungu wa Kutampa September 3

Ulwimbo 50

10 min: Ifya kubilisha fya pa mwenu e lyo na Ifya Kubilisha ifili mu Ubutumikishi Bwesu Ubwa Bufumu. Cinkuleniko bakasabankanya ukusha amalipoti ya mulimo wa mwi bala aya August.

15 min: “Tulatasha pa fyo Lesa Atupaala!”d Ilyo mulelanshanya, nga kuli nshita, ebeni ibumba ukulalanda na pa malembo yashambwilwe.

20 min: “Ifyo Twingatendeka Ukusambilila Baibolo na Bantu Tutwalila Bamagazini.”e Citeni ne cilangililo icipi ukubomfya inshila imo ili mu paragrafu 2. Cinkuleniko bakasabankanya ukuti kuti batendeka ukupenda ati nabakwata isambililo nga ca kuti batungulula imiku ibili ukufuma palya balangilile uyo muntu ifyo isambililo lya Baibolo liba kabili nabamona ukuti likatwalilila.

Ulwimbo 2 ne pepo lya kusondwelela.

[Amafutunoti]