Ukupitulukamo mwi Sukulu lya Butumikishi Ilya Bulesa

Amepusho yakonkapo yakapitulukwamo mwi Isukulu lya Butumikishi Ilya Bulesa mu mulungu wa August 31, 2009. Kangalila we sukulu akatungulula ukupitulukamo pa mamineti 20 ukukafuma mu fyebo fyalandilwe mu malyashi ya mulungu wa July 6 ukufika ku August 31, 2009.

1. Mulandu nshi baleipaila umuntu onse “uwatuka” abafyashi bakwe? (Lebi 20:9) [w04 5/15 ibu. 24 para. 6]

2. Apo abaume bonse abena Israele balekabila ukusangwa ku Mutebeto wa Fishatutumuka, ni bani balesombola ifisabo fya ntanshi ifya barle ifyo balepeela kuli Yehova? (Lebi 23:5, 11) [w07 7/15 ibu. 26 para. 3]

3. Bushe umwaka wa Buntungwa nelyo umwaka wa Ntandala waleimininako cinshi? (Lebi 25:10, 11) [w04 7/15 amabu. 26-27]

4. Bushe abena Israele balemona “ifishibilo” ifyalumbulwa pa Impendwa 2:2 ukuti fyali ifyacindama sana mu kupepa kwabo? [w02 9/15 ibu. 21 para. 4]

5. Mibele nshi ababomba umulimo wa nshita yonse pali lelo bakwata iyakweteko na baNasiri? (Impe. 6:3, 5, 6) [w04 8/1 amabu. 24-25]

6. Lifunde nshi ilyo abena Lebi balekonka pa kuleka umulimo wabo uwa bushimapepo, ilingabomba na ku bantu ba kwa Yehova muno nshiku? (Impe. 8:25, 26) [w04 8/1 ibu. 25 para. 1]

7. Bushe abena Israele batendeke shani ‘ukulakumbwa ifintu,’ kabili finshi twingasambililako? (Impe. 11:4) [w01 6/15 amabu. 14-15; w95 3/1 ibu. 15 para. 10]

8. Mulandu nshi Miriamu eka alwaliile ifibashi, kabili cinshi icacindama ico tusambililako ku fyamucitikile? (Impe. 12:9-11) [w04 8/1 ibu. 26 para. 2; it-2 ibu. 415 para. 1]

9. Ilyo Kalebu na Yoshua balandile pa bantu baleikala mu Kanaani ukutila baba “nge ca kulya,” bushe balepilibula cinshi? (Impe. 14:9) [w06 10/1 ibu. 16 para. 5; it-1 amabu. 363-364]

10. Kusoka nshi ukwaba pa Impendwa 21:5? [w99 8/15 amabu. 26-27]