Umutande wa Malyashi mwi Sukulu lya Butumikishi Ilya Bulesa Ilya mu 2010

IFYA KUCITA

Ifi e fyo Isukulu lya Butumikishi Ilya Bulesa likalatungululwa mu 2010.

UMUKALAFUMA IFYEBO: Baibolo ya Amalembo ya Calo Cipya [bi12], “Amalembo Yonse Yantu Yapuutwamo Kuli Lesa, Kabili ya Kunonsha” (ica mu 1990) [si], na mu Ukupelulula Ukufuma Mu Malembo (ica mu 1989) [rs].

Inshita nga yakumana, isukulu lifwile ukutendeka na mashiwi ya kusengela lyena no kutwalilila ukulingana na fintu batantike muli uno mutande wa malyashi. Ilyashi limo na limo nga lyapwa, kangalila we sukulu akulaita uulekonkapo.

IFISHINKA FIKALAMBA MU KUBELENGA BAIBOLO: Amamineti 10. Mu mamineti ya kubalilapo yane, eluda nelyo umubomfi utumikila uwakampuka alingile ukulanda pa fishinka fikalamba ifili mu kubelenga Baibolo ukwa mulungu. Nga ca kutila ukubelenga Baibolo ukwa mulungu kutendeka ibuuku lipya ilya mu Baibolo, ninshi kalanda talingile ukulanda pa fishinka fikalamba ifili mu kubelenga kwa uyo mulungu. Lelo, ifyebo akalandapo mu mamineti ya kubalilapo yane, fifwile ukufuma mu citabo ca kuti “Amalembo Yonse.” Ku ca kumwenako fye, mu Mulungu wa January 18, tukalasambilila ifipandwa fya kubalilapo fine ifye buuku lya Abapingushi, kanshi kalanda afwile ukusala ifishinka ifinono ukufuma mu maparagrafu ya kubalilapo ayalanda pe buuku lya Abapingushi ayaba mu citabo ca “Amalembo Yonse.” Afwile ukulanda bwino pa kuti icilonganino canonkelamo. Nampo nga ifyebo alelandapo fili pa kubelenga Baibolo ukwa mulungu nelyo alelanda pa fishinka ukufuma mu citabo ca “Amalembo Yonse,” ico kalanda akafwaya ukubikako amano sana kwafwa ibumba ukwishiba umulandu ifyebo ficindamine e lyo ne fyo fingabomfiwa. Kalanda alingile ukubikako amano pa kuti tacilile pa mamineti yane aya kulandamo ifyebo fya kubalilapo. Afwile ukushako amamineti 6 aya kuleka ibumba na lyo lyalandapo. Kalanda akeba ibumba ukulanda fye panono (amasekondi 30 nangu ukucepako) ifyo batemenwemo ne fyo banonkelemo mu kubelenga Baibolo ukwa uyo mulungu. Lyena kangalila we sukulu akeba abasambi ukuya mu makalasi yambi.

ILYASHI NA. 1: Amamineti 4 nangu ayanonoko. Uukalanda ili lyashi lya kubelenga, ni munyinefwe. Umusambi afwile ukubelenga fye ifyebo bamupeele. Takalande amashiwi ya kwiswila nelyo amashiwi ya kusondwelela. Kangalila we sukulu alingile ukwafwa sana abasambi ukulaumfwa ifyo balebelenga, balingile ukulabelenga bwino, ukushimpa amashiwi bwino, ukulayalule shiwi, ukulapemwina apo balingile ukupemwina, no kulabelenga kwati balelanda fye.

ILYASHI NA. 2: Amamineti 5. Bankashi e bo bakalapeela ili lyashi. Abasambi abakalapeelwa ili lyashi bakalabapeelela limo imitantikile nelyo bakaisalila abene pa mutande waba pe bula 82 mu citabo citila Nonkelenimo mu Masambililo ya Isukulu lya Butumikishi Ilya Bulesa. Umusambi alingile ukulanda pa mutwe bamupeele no kulangilila ifyo ifyebo fingabomfiwa mwi bala ukulingana ne ficitika mu cifulo umo icilonganino cishimikila. Nga tabalangilile umufumine ifyebo, umusambi umwine akaifwaila ifyebo mu mpapulo shesu. Kangalila we sukulu akabika sana amano ku kumona ifyo umusambi alelanda ilyashi ne fyo aleyafwa umwine wa ng’anda ukutontonkanya pa Malembo no kumfwikisha ifishinka fikalamba ifili mu lyashi. Kangalila we sukulu akafwaya uwa kumwafwa umo.

ILYASHI NA. 3: Amamineti 5. Munyinefwe nelyo nkashi kuti apeela ili lyashi. Umusambi alingile ukupekanya ilyashi pa mutwe bamupeele. Nga tabalangilile umufumine fyebo, umusambi umwine akaifwaila ifyebo mu mpapulo shesu. Nga ni munyinefwe uulelanda ili lyashi, alingile ukulanda ku balongene bonse mu Ng’anda ya Bufumu. Nga ni nkashi e o bapeele ili lyashi, alingile ukulanda nga filya fine engalanda Ilyashi Na. 2. Mukwai ishibeni ukuti amalyashi ayakwete ici cishibiloa mulingile ukupeela bamunyinefwe pa kuti balanda ili lyashi kwi bumba, kabili nga calinga peeleni eluda nelyo umubomfi utumikila.

UKUFUNDA: Amamineti 1-2. Kangalila we sukulu talingile ukulandila libela icishinka umwana we sukulu alebombelapo. Umusambi nga alanda Ilyashi Na. 1, Na. 2, e lyo na Na. 3, kangalila we sukulu akatasha umusambi pa cishinka cimo ico acilanda bwino mu lyashi lyakwe. Umulimo wa kwa kangalila we sukulu te wa kutasha fye umwana we sukulu ukuti “mwabombeni” lelo, alingile ukulanda umulandu wine wine uo alandila ukuti umwana we sukulu nabomba bwino. Afwile ukuloshako libili libili ku fyebo ifyaba mu citabo ca Nonkelenimo. Ukulongana nga kwapwa nangu fye pa nshita imbi, kangalila we sukulu kuti afunda abana be sukulu pa mbali ukulingana ne fyo cila musambi acibomba.

INSHITA: Takuli ilyashi nangu limo ililingile ukupula mu nshita, nangu fye mashiwi ya kwa kafundisha wine. Bakalanda ba malyashi Na. 1 ukushinta ku Na. 3 kuti babacilima bwino bwino nga ca kuti bapula mu nshita. Munyinefwe uulelanda ilyashi lya fishinka fikalamba ifya mu Baibolo nga acila mu nshita, kuti bamufunda pa mbali. Bonse bafwile ukusunga sana inshita. Ukulongana konse kufwile ukupwa mu mamineti 30.

FORMU YA KUFUNDILAPO: Yaba mu citabo ca Nonkelenimo.

KAFUNDISHA WA CIBILI: Umulimo wa kwa kafundisha wa cibili wa kufunda pa mbali nga amona ukuti alingile ukufunda bamunyinefwe baeluda nangu ababomfi batumikila abalanda amalyashi yalekanalekana pamo nga ifishinka fikalamba, amalyashi ya mu Kulongana kwa Mulimo, amalyashi ya ku cintubwingi, ukubelenga, nangu ukutungulula Isambililo lya Baibolo Ilya pa Cilonganino. Nga ca kutila namukwata baeluda bakampuka abengi mu cilonganino, ninshi kuti balelekanina ukubomba uyu mulimo cila mwaka. Kwena te lyonse alingile ukufunda baeluda banankwe nelyo ababomfi batumikila ilyo balanda aya malyashi kano fye nga amona ukuti kuti cawama ukulanda na bo pa kuti bengawamyako.

UKUPITULUKAMO: Amamineti 20. Nga papita imyeshi ibili, kangalila we sukulu akulatungulula ukupitulukamo. Intanshi kulingile kwaba ukulandapo pa fishinka fikalamba ukufuma mu kubelenga Baibolo nge fyo tulandilepo kale. Uku, kupituluka mu fyebo twasambilile mwi sukulu pa myeshi ibili iyapitapo, ukulundako ne fya uyo wine mulungu. Icilonganino cenu nga cikalalongana ukulongana kwa muputule nelyo kangalila wa muputule akatandala mu mulungu wa kupitulukamo, ninshi ukupitulukamo kukabako umulungu ukonkelepo e lyo Amalyashi Na. 1, Na. 2, na Na. 3 aya mu mulungu ukonkelepo e yakaba muli uyo mulungu wa kutandala kwa kwa kangalila. Takulingile ukuba ukwaluka ku kutantika kwa fishinka fikalamba no kubelenga Baibolo ukwa cila mulungu, fikatwalila ukuba filya fine fitantikwe.

UMUTANDE WA MALYASHI

Jan. 4 Ukubelenga Baibolo: Yoshua 16-20

Na. 1: Yoshua 17:1-10

Na. 2: Cinshi Abaya ku Muulu Bakalacita Kulya? (rs ibu. 400, amapara. 1-3)

Na. 3: b Umulandu Lesa Ashatemenwa ‘Ababa ne Mitima Ibili’ (1 Isha. 18:21)

Jan. 11 Ukubelenga Baibolo: Yoshua 21-24

Na. 1: Yoshua 24:1-13

Na. 2: Bushe Lesa Tatusakamana Kabili Bushe Alyuma Umutima?

Na. 3: Bushe Baibolo ilanda Ukuti Umweo Ulapusuka Umubili nga Wafwa? (rs ibu. 103, para. 1-ibu. 104, para. 2)

Jan. 18 Ukubelenga Baibolo: Abapingushi 1-4

Na. 1: Abapingushi 2:11-23

Na. 2: Bantu ba Musango Nshi Abaya ku Helo iyo Baibolo Ilandapo? (rs ibu. 104, amapara. 3-5)

Na. 3: Lesa Te Wapangile Satana Kaseebanya

Jan. 25 Ukubelenga Baibolo: Abapingushi 5-7

Na. 1: Abapingushi 7:1-11

Na. 2: Bushe Kuti Twaishiba Shani “Cilende Mukalamba” Uwalondololwa pa Ukusokolola 17:1?

Na. 3: Bushe Uuli Onse Kuti Afuma Muli Helo iyo Baibolo Yalandapo? (rs ibu. 105, amapara. 1-3)

Feb. 1 Ukubelenga Baibolo: Abapingushi 8-10

Na. 1: Abapingushi 8:1-12

Na. 2: Bushe Kwalibako Ukukandwa kwa Ciyayaya ku Babifi? (rs ibu. 105, para. 4-ibu. 106 para. 2)

Na. 3: Busuma Nshi Ubwaba mu Kwishiba Icine pa Mfwa?

Feb. 8 Ukubelenga Baibolo: Abapingushi 11-14

Na. 1: Abapingushi 13:1-14

Na. 2: Cinshi Twingasambilila ku Mashiwi ya kwa Yesu Ayaba Pali Luka 16:9-13?

Na. 3: Bushe ‘Ukulungulushiwa kwa Muyayaya’ Uko Ukusokolola Kwalandapo E Cinshi? (rs ibu. 106, para. 3-ibu. 107, para. 1)

Feb. 15 Ukubelenga Baibolo: Abapingushi 15-18

Na. 1: Abapingushi 16:1-12

Na. 2: Bushe ‘Gehena wa Mulilo’ Uo Yesu Alandilepo E Cinshi? (rs ibu. 107, para. 2-ibu. 108, para. 2)

Na. 3: Umulandu Yesu Aitile Kaseebanya Ukuti “E Wishi wa Bufi” (Yoh. 8:44)

Feb. 22 Ukubelenga Baibolo: Abapingushi 19-21

Ukupituluka mwi Sukulu lya Butumikishi Ilya Bulesa

Mar. 1 Ukubelenga Baibolo: Ruti 1-4

Na. 1: Ruti 3:1-13

Na. 2: Ifyo Ukuba no Luse Kutunonsha (Mat. 5:7)

Na. 3: Icilambu ca Lubembu Cinshi? (rs ibu. 108, para. 3-ibu. 109, para. 1)

Mar. 8 Ukubelenga Baibolo: 1 Samwele 1-4

Na. 1: 1 Samwele 2:18-29

Na. 2: Bushe Yesu Asambilishe Ukuti Ababifi Bakaya mu Kulunguluka nga Bafwa? (rs ibu. 109, para. 2)

Na. 3: Amalembo Yalalanda pa fyo Yehova Atemwa Abana

Mar. 15 Ukubelenga Baibolo: 1 Samwele 5-9

Na. 1: 1 Samwele 6:1-9

Na. 2: Finshi Twingabomfya pa Kuicingilila Kuli Satana ne Fibanda Fyakwe?

Na. 3: Bushe Umulumbe wa Muntu wa Fyuma na Lasaro, Walola Mwi? (rs ibu. 109, para. 3-ibu. 110, para. 1)

Mar. 22 Ukubelenga Baibolo: 1 Samwele 10-13

Na. 1: 1 Samwele 10:17-27

Na. 2: Bushe Krisimasi Kusefya Ukwashimpwa Pali Baibolo? (rs ibu. 45, para. 2-ibu. 46, para. 2)

Na. 3: Umulandu Icisambilisho ca Kusanguka Capusanina no BuKristu

Mar. 29 Ukubelenga Baibolo: 1 Samwele 14-15

Na. 1: 1 Samwele 14:24-35

Na. 2: Ifyo Tufwile Ukucita pa Kupalama Kuli Yehova (Yako. 4:8)

Na. 3: Bushe Aba Mano, Abo Ulutanda Lwatungulwile Kuli Yesu Baali Ni Bani? (rs ibu. 46, para. 3-ibu. 47, para. 2)

Apr. 5 Ukubelenga Baibolo: 1 Samwele 16-18

Na. 1: 1 Samwele 18:1-16

Na. 2: Finshi Tufwile Ukulatontonkanyapo Ilyo Tulebebeta Ifyo Abantu Batemwa Ukucita pa Krisimasi? (rs ibu. 47, amapara. 3-5)

Na. 3: c Mulandu Nshi Uwa Kusekelela Abeni? (Rom. 12:13)

Apr. 12 Ukubelenga Baibolo: 1 Samwele 19-22

Na. 1: 1 Samwele 21:1-9

Na. 2: Bushe Tufwile Ukulamona Shani Ifintu Ifyo Yehova Apata? (Amapi. 6:16-19)

Na. 3: Malembo Nshi Yengatwafwa Ilyo Tulefwaya Ukwishiba Ukusefya Nga Kusuma Nangu Iyo? (rs ibu. 48 para. 1-ibu. 49 para. 1)

Apr. 19 Ukubelenga Baibolo: 1 Samwele 23-25

Na. 1: 1 1 Samwele 23:1-12

Na. 2: Finshi Tulingile Ukwishiba pa Kusefya Isita no Mwaka Upya? (rs ibu. 49 para. 2-ibu. 50 para. 2)

Na. 3: Umulandu Bakapekape Bapaalilwa (Amapi. 11:25)

Apr. 26 Ukubelenga Baibolo: 1 Samwele 26-31

Ukupituluka mwi Sukulu lya Butumikishi Ilya Bulesa

May 3 Ukubelenga Baibolo: 2 Samwele 1-3

Na. 1: 2 Samwele 2:12-23

Na. 2: Bushe Yesu Alebomfya Ishina lya kwa Lesa Ilyo Aleshimikila?

Na. 3: Cinshi Kwabela Amaholide ya Kwibukishishapo “Imipashi ya Bafwa”? (rs ibu. 50 para. 3–ibu. 51 para. 3)

May 10 Ukubelenga Baibolo: 2 Samwele 4-8

Na. 1: 2 Samwele 6:1-13

Na. 2: Finshi Twaishiba pa Kusefya Ubushiku bwa Valentine, Ubushiku bwa Kucindika Banyinefwe, no Kusefya Fye Kumbi? (rs ibu. 51 para. 4–ibu. 52 para. 4)

Na. 3: d Umulandu Ukufwaisha Ukukwata Ifingi Kwabela Kupepa Utulubi? (Efes. 5:5)

May 17 Ukubelenga Baibolo: 2 Samwele 9-12

Na. 1: 2 Samwele 10:1-12

Na. 2: Mulandu Nshi Yesu Alesambilishisha Ifyaba mu Malembo? (Yoh. 7:16-18)

Na. 3: Bushe Baibolo Ilandapo Shani pa Kupanga Ifimpashanya Ifibomfiwa mu Kupepa? (rs ibu. 135 amapara. 1-4)

May 24 Ukubelenga Baibolo: 2 Samwele 13-15

Na. 1: 2 Samwele 13:23-33

Na. 2: Bushe Ifimpashanya Kuti Twafibomfya nge fya Kutwafwilishako fye mu Kupepa Lesa wa Cine? (rs ibu. 135 para. 5–ibu. 136 para. 4)

Na. 3: e Umulandu Tushilingile Ukubomfesha Sana Icalo (1 Kor. 7:31)

May 31 Ukubelenga Baibolo: 2 Samwele 16-18

Na. 1: 2 Samwele 17:1-13

Na. 2: Umulandu Yesu Etilwa Ukuti E “Mwine we Sabata” (Mat. 12:8)

Na. 3: Bushe Tulingile Ukucindikisha “Abatakatifu” Pamo Nga ba Kutupaapaatilako Kuli Lesa? (rs ibu. 136 para. 5–ibu. 137 para. 2)

June 7 Ukubelenga Baibolo: 2 Samwele 19-21

Na. 1: 2 Samwele 19:11-23

Na. 2: Bushe Lesa Amona Shani Ifimpashanya Ifyo Abantu Bapepa? (rs ibu. 137 para. 3–ibu. 138 para. 2)

Na. 3: Ifyo Satana Kaseebanya Apofwisha Abantu pa Kuti Beumfwa Icine (2 Kor. 4:4)

June 14 Ukubelenga Baibolo: 2 Samwele 22-24

Na. 1: 2 Samwele 22:1-20

Na. 2: Bushe Amafunde ya kwa Mose Yatungulwile Shani Abantu Kuli Kristu? (Gal. 3:24)

Na. 3: Bushe Tufwile Ukumona Shani Ifimpashanya Ifyo Nalimo Twalebomfya Kale pa Kupepa? (rs ibu. 138 amapara. 3-5)

June 21 Ukubelenga Baibolo: 1 Ishamfumu 1-2

Na. 1: 1 Ishamfumu 1:1-14

Na. 2: Cinshi Cikacitika Kuli Ifwe Nga ca Kutila Tulebomfya Ifimpashanya mu Kupepa? (rs ibu. 139 amapara. 1-4)

Na. 3: Mulandu Nshi nga Tuleumfwila Lesa Tunonkelamo lwa ku Mubili na ku Mupashi?

June 28 Ukubelenga Baibolo: 1 Ishamfumu 3-6

Ukupituluka mwi Sukulu lya Butumikishi Ilya Bulesa

July 5 Ukubelenga Baibolo: 1 Ishamfumu 7-8

Na. 1: 1 Ishamfumu 8:14-26

Na. 2: Mulandu Nshi Batusokela Ukuti Tatufwile Ukuba Aba Mano mu Menso Yesu Fwe Bene? (Esa. 5:21)

No. 3: Lintu Abantu Bakaana Ukukonka Amafunde ya mu Baibolo Ayalanda pa Bulalelale, Bushe Cine Cine Balaba Abantungwa? (rs ibu. 77 para. 3–ibu. 78 para. 1)

July 12 Ukubelenga Baibolo: 1 Ishamfumu 9-11

Na. 1: 1 Ishamfumu 9:10-23

Na. 2: Kufunda Nshi Ukwaba mu Baibolo Ukulanda pa Kutemwa Ifyuma na Pali Bucakolwa? (rs ibu. 78 amapara. 2-3)

Na. 3: Ifyo Abena Kristu ba Cine Balanga Amano Yafuma ku Muulu? (Yako. 3:17)

July 19 Ukubelenga Baibolo: 1 Ishamfumu 12-14

Na. 1: 1 Ishamfumu 12:12-20

Na. 2: Cinshi Cingatwafwa Ukulamona Bamunyinefwe nga Filya Yehova Abamona?

Na. 3: Cindikeni Bucibusa Bwenu na Yehova, Kabili Mwilayangala na Bantu Babipa (rs ibu. 78 para. 5)

July 26 Ukubelenga Baibolo: 1 Ishamfumu 15-17

Na. 1: 1 Ishamfumu 15:1-15

Na. 2: Nani Uwasongele Abantu Ukuti Balecita Ifyo Abene Balefwaya Ukwabula Ukubika Amano ku Mafunde ya kwa Lesa? (rs ibu. 79 amapara. 1-2)

Na. 3: Umulandu Cawamina Ukuti Armagedone Ikese

Aug. 2 Ukubelenga Baibolo: 1 Ishamfumu 18-20

Na. 1: 1 Ishamfumu 18:21-29

Na. 2: Bushe Umuulu ne Calo Fikapita Shani? (Ukus. 21:1)

Na. 3: f Mibele Nshi iya Bucaibela iyo Tulingile Ukukaana? (rs ibu. 80 amapara. 1-7)

Aug. 9 Ukubelenga Baibolo: 1 Ishamfumu 21-22

Na. 1: 1 Ishamfumu 22:1-12

Na. 2: Nga ca Kuti Bucaibela Bwalenga Umo Ukulacitako Ifyo Icalo Cilecita, Bushe Ninshi Uyo Muntu Aletungululwa na Nani? (rs ibu. 80 amapara. 8-9)

Na. 3: Bushe Ifyacitile Eliya Fitusambilisha Cinshi pe Pepo? (Yako. 5:18)

Aug. 16 Ukubelenga Baibolo: 2 Ishamfumu 1-4

Na. 1: 2 Ishamfumu 1:1-10

Na. 2: Umulandu Ifikwatwa Fishingalengela Umuntu Ukuba ne Nsansa Ishibelelela (Luk. Mil. 5:10)

Na. 3: Mu MaBaibolo Abengi Babomfya Muno Nshiku, Ni Pi Ishina lya kwa Lesa Lisangwa? (rs ibu. 419 para. 5–ibu. 421 para. 7)

Aug. 23 Ukubelenga Baibolo: 2 Ishamfumu 5-8

Na. 1: 2 Ishamfumu 6:8-19

Na. 2: Mulandu Nshi mu MaBaibolo Ayengi Mushabela Ishina lya kwa Lesa Nangu Mulandu Nshi Lisangilwa Fye Mumo Mumo? (rs ibu. 421 para. 8–ibu. 422 para. 4)

Na. 3: g Bushe Ififwaisha Umutima Kuti Fyaba Shani Lesa wa Muntu? (Fil. 3:18, 19)

Aug. 30 Ukubelenga Baibolo: 2 Ishamfumu 9-11

Ukupituluka mwi Sukulu lya Butumikishi Ilya Bulesa

Sept. 6 Ukubelenga Baibolo: 2 Ishamfumu 12-15

Na. 1: 2 Ishamfumu 13:1-11

Na. 2: Ifyo Twingapokelela Umupashi wa Mushilo

Na. 3: Lishina Nshi Ilya kwa Lesa Ilyalungama, Yehova Nangu Yahweh, Kabili Mulandu Nshi Cacindamina Ukwishiba no Kubomfya Ishina lya kwa Lesa? (rs ibu. 423 para. 1–ibu. 425 para. 7)

Sept. 13 Ukubelenga Baibolo: 2 Ishamfumu 16-18

Na. 1: 2 Ishamfumu 17:1-11

Na. 2: Bushe Yehova Balandapo mu “Cipingo ca Kale” e Yesu Kristu Balandapo mu “Cipingo Cipya?” (rs ibu. 425 para. 8–ibu. 426 para. 2)

Na. 3: Bushe Baibolo Ifwaya Ukuti Tusumine fye Muli Lesa Icisuminesumine?

Sept. 20 Ukubelenga Baibolo: 2 Ishamfumu 19-22

Na. 1: 2 Ishamfumu 20:1-11

Na. 2: Mulandu Nshi Tulingile Ukubela Abafuuka? (Mat. 5:5)

Na. 3: Bushe Umuntu Kuti Atemwa Shani Yehova Kabili pa Nshita Imo Ine no Kumutiina? (rs ibu. 426 amapara. 3-4)

Sept. 27 Ukubelenga Baibolo: 2 Ishamfumu 23-25

Na. 1: 2 Ishamfumu 23:1-7

Na. 2: Finshi Ifyo Inte sha kwa Yehova Shasuminamo Ifyalenga Ukuti Bapusaneko no Tubungwe Tumbi Utwa Mapepo? (rs ibu. 180 para. 3–ibu. 182 para. 3)

Na. 3: Abena Kristu ba Cine Kuti Balenga Shani Ulubuuto Lwabo Ukubalika? (Mat. 5:14-16)

Oct. 4 Ukubelenga Baibolo: 1 Imilandu 1-4

Na. 1: 1 Imilandu 1:1-27

Na. 2: Umo Calola Ukuba Aba Mutende (1 Pet. 3:10-12)

Na. 3: Bushe Inte sha kwa Yehova Kabungwe ka Mapepo aka ku America, Kabili Ni Kwi Bafumya Indalama sha Kubomfya mu Mulimo Wabo? (rs ibu. 182 para. 4–ibu. 183 para. 3)

Oct. 11 Ukubelenga Baibolo: 1 Imilandu 5-7

Na. 1: 1 Imilandu 6:31-47

Na. 2: Bushe Inte sha kwa Yehova Cakaniko Atemwa Mipepele ya Kusefya Kabili Iyi Mipepele Yakokola Shani? (rs ibu. 183 para. 4–ibu. 184 para. 4)

Na. 3: Bushe Abantu Abashapwililika Kuti Baba Shani Aba Mushilo? (1 Pet. 1:16)

Oct. 18 Ukubelenga Baibolo: 1 Imilandu 8-11

Na. 1: 1 Imilandu 11:1-14

Na. 2: Bushe Umupashi na Nabwinga Basosa Shani Ukuti “Iseni”? (Ukus. 22:17)

Na. 3: Bushe Inte sha kwa Yehova Basumina Ukuti Ukupepa Kwabo e Kwalungama Epela? (rs ibu. 185 amapara. 1-2)

Oct. 25 Ukubelenga Baibolo: 1 Imilandu 12-15

Ukupituluka mwi Sukulu lya Butumikishi Ilya Bulesa

Nov. 1 Ukubelenga Baibolo: 1 Imilandu 16-20

Na. 1: 1 Imilandu 17:1-10

Na. 2: Bushe Utubungwe twa Mapepo Tumbi Na To Tulakonka Ifyo Baibolo Isambilisha? (rs ibu. 185 para. 3)

Na. 3: h Ukusoka Ukufuma mu Malembo pa Fintu Ifyo Abena Kristu ba Cine Bafwile Ukufulumuka

Nov. 8 Ukubelenga Baibolo: 1 Imilandu 21-25

Na. 1: 1 Ishamfumu 22:11-19

Na. 2: Bushe Kuti Twatwalilila Shani Ukutemwa Icine?

Na. 3: Bushe Inte sha kwa Yehova Bafika Shani pa Kulondolola Kwabo Ukwa Baibolo? (rs ibu. 186 amapara. 1-4)

Nov. 15 Ukubelenga Baibolo: 1 Imilandu 26-29

Na. 1: 1 Imilandu 29:10-19

Na. 2: Mulandu Nshi Kubela Ukwaluka-aluka mu fyo Inte sha kwa Yehova Basambilisha? (rs ibu. 187 para. 1)

Na. 3: Bushe AbaYuda Bonse Bakaaluka Ukuba Abena Kristu?

Nov. 22 Ukubelenga Baibolo: 2 Imilandu 1-5

Na. 1: 2 Imilandu 3:1-13

Na. 2: Cinshi Yehova Akabomfya pa Kwelela Imembu Ishacitilwe Ilyo Kushilaba UbuKristu? (Rom. 3:24, 25)

Na. 3: Mulandu Nshi Inte sha kwa Yehova Bashimikilila ku Ng’anda ne Ng’anda? (rs ibu. 187 para. 2–ibu. 188 para. 1)

Nov. 29 Ukubelenga Baibolo: 2 Imilandu 6-9

Na. 1: 2 Imilandu 6:12-21

Na. 2: Mulandu Nshi Inte sha kwa Yehova Babacushisha? (rs ibu. 188 amapara. 3-4)

Na. 3: Ifyo ‘Twingalacimfisha Ububi pa Kucite Fisuma’ (Rom. 12:21)

Dec. 6 Ukubelenga Baibolo: 2 Imilandu 10-14

Na. 1: 2 Imilandu 13:1-12

Na. 2: Bushe Yehova Acingilila Shani Aba Cishinka Bakwe? (Amalu. 37:28)

Na. 3: i Umo nga Asosa Ukuti: “Cinshi Imwe Mushicitilako Ifintu Ifya Kulenga Icalo Ukuba Icisuma Ukwikalamo”? (rs ibu. 189 para. 1–ibu. 190 para. 1)

Dec. 13 Ukubelenga Baibolo: 2 Imilandu 15-19

Na. 1: 2 Imilandu 15:8-19

Na. 2: j Umo nga Asosa Ukuti: “Abena Kristu Bafwile Ukuba Inte sha kwa Yesu, Te sha kwa Yehova” (rs ibu. 190 para. 2)

Na. 3: Bushe Kuti Twalanga Shani Umucinshi Ilyo Tulepepa Yehova?

Dec. 20 Ukubelenga Baibolo: 2 Imilandu 20-24

Na. 1: 2 Imilandu 20:1-12

Na. 2: Bushe Finshi Fyabimbwamo mu Kusambilila no Kulanda Ululimi Lwine Lwine? (Sefa. 3:9)

Na. 3: Bushe Yesu Kristu Aali Muntu wa Cine Cine? (rs ibu. 1 para. 1–ibu. 428 para. 2)

Dec. 27 Ukubelenga Baibolo: 2 Imilandu 25-28

Ukupituluka mwi Sukulu lya Butumikishi Ilya Bulesa

[Amafutunoti]