Ukulongana kwa mu Mulungu wa May 10
UMULUNGU WA MAY 10
□ Isambililo lya Baibolo Ilya pa Cilonganino:
□ Isukulu lya Butumikishi Ilya Bulesa:
Ukubelenga Baibolo: 2 Samwele 4-8
Na. 1: 2 Samwele 6:1-13
Na. 2: Finshi Twaishiba pa Kusefya Ubushiku bwa Valentine, Ubushiku bwa Kucindika Banyinefwe, no Kusefya Fye Kumbi? (rs ibu. 51 para. 4–ibu. 52 para. 4)
Na. 3: Umulandu Ukufwaisha Ukukwata Ifingi Kwabela Kupepa Utulubi (Efes. 5:5)
□ Ukulongana kwa Mulimo:
5 min: Ifya Kubilisha.
10 min: Ababa mu Cifulo Mushimikila Bacitileniko Fimo Ifingabafwa. Ukulanshanya na bali mwi bumba mu citabo ca Nonkelenimo, ibula 188, paragrafu 4, ukufika ku mpela ye bula 189. Mu kwipifya ipusheni kasabankanya umo uwalunduluka pa mulandu wa kuti bambi balimubikileko amano.
10 min: Ing’anda ya Bufumu iya Busaka Ilalenga Yehova Ukucindikwa. Uukalanda ili lyashi ni eluda. Yehova ni Lesa wa busaka, kanshi abantu ba kwa Yehova bafwile ukubika sana amano ku busaka. (Ukufu. 30:17-21; 40:30-32) Tulacindika Yehova nga tulesunga icifulo ca kupepelapo ica busaka kabili tulelungisha na fyonse ifyaonaika. (1 Pet. 2:12) Ipusheni munyina uulolekesha pa busaka bwa Ng’anda ya Bufumu ukuti alande ifyo batantika pa kuti Ing’anda ya Bufumu ilemoneka bwino kabili iya busaka. Shimikeni icacitike ku ncende yenu nelyo ico mwabelengapo icilangilila ukuti ukusunga Ing’anda ya Bufumu iya busaka kwalengele abantu ukumfwa icebo. Koselesheni bonse ukuti balebombako umulimo wa kuwamya Ing’anda ya Bufumu pa kuti lyonse ileba iya busaka.
10 min: “Imbila Nsuma iyi Ikabilwa!” Ifipusho ne fyasuko.