Ukupituluka mwi Sukulu lya Butumikishi Ilya Bulesa
Amepusho yakonkapo e yo tukapitulukamo mwi Sukulu lya Butumikishi Ilya Bulesa mu mulungu wa August 27, 2012. Pa cipusho cimo na cimo pali inshiku isho tukalanshanya ico cine cishinka pa kuti tukalepekanya isukulu bwino bwino cila mulungu.
1. Icimonwa Esekiele amwene ica baYuda abasangu cileimininako cinshi, kabili kuti twasambililako finshi? (Esek. 8:15-17) [July 2, w07 7/1 ibu. 13 para. 6; w93 1/15 amabu. 27-28 amapara. 7, 12]
2. Ni muli finshi umo bashimapepo abengi bapashanya bakasesema ba bufi aba mu nshiku sha kwa Esekiele? (Esek. 13:3, 7) [July 9, w99 10/1 ibu. 13 amapara. 14-15]
3. Mu kusesema kwaba pali Esekiele 17:22-24, bushe ‘umuteku’ ni nani, inga “ulupili lwasansama kabili ulutali” cinshi, kabili akaba shani “umukedari ukankaala”? [July 16, w07 7/1 amabu. 12-13 para. 6]
4. Ukulingana na ipinda lyaba pali Esekiele 18:2, ni nani abantu baali pamo na Esekiele muli bunkole balepeela umulandu pa mafya bakwete, kabili cinshi twingasambililako ku fyacitike? [July 23, w88 9/15 ibu. 18 para. 10]
5. Bushe ifyacitike ifyalembwa pali Esekiele 21:18-22 filanga shani ukuti abantu nelyo ifibanda te kuti baalule ifyo Yehova afwaya ukucita? [July 30, w07 7/1 ibu. 14 para. 4]
6. Ukulingana na Esekiele 24:6, 11, 12, indalawa ishaba mu mpoto ya kwipikilamo shimininako finshi, kabili lifunde nshi lyaba mu cikomo 14? [Aug. 6, w07 7/1 ibu. 14 para. 2]
7. Bushe ifyasobelwe pali Turi fyafikilishiwe shani? [Aug. 6, si ibu. 133 para. 4]
8. Mashiwi nshi ayaba pali Esekiele 28:2, 12-17 ayalanda pa “mfumu ya ku Turi” na cipondoka wa pa kutendeka, Satana? [Aug. 13, w05 10/15 amabu. 23-24 amapara. 10-14]
9. Ni lilali icalo ca Egupti cashele icibolya pa myaka 40, kabili cinshi twingashininkishisha ukuti calishele icibolya? (Esek. 29:8-12) [Aug. 13, w07 8/1 ibu. 8 para. 5]
10. Bushe Esekiele acitile shani ilyo abantu bashalebika amano ku bukombe alebila, ilyo balemuseka, no kukanafwaya ukumfwa ifyo alelanda, kabili Yehova amukoseleshe shani? (Esek. 33:31-33) [Aug. 20, w91 3/15 ibu. 17 amapara. 16-17]