Ukwaluka mu Kulongana kwa mu Kati ka Mulungu.

Ukutendeka mu mulungu wa September 3, Isambililo lya Baibolo Ilya pa Cilonganino ilitungululwa mu mamineti 25 nomba likalatungululwa mu mamineti 30. Ilyo katungulula talatendeka ukutungulula isambililo lya uyo mulungu, akalabalilapo ukulanda ifyo basambilile mwi sambililo lya mulungu wafumineko muli mineti umo. Ukulongana kwa Mulimo ukutungululwa mu mamineti 35 kwena kukalatungululwa mu mamineti 30. Takwakulaba ulubali lwa kubalilapo ulwa fya kubilisha. Ilingi line nga kuli ifya kubilisha, na fyo ifinono fye, fyakulaba mu lyashi lya kubalilapo mu Kulongana kwa Mulimo, kabili tamufwile ukulanda ifyo amalyashi yakonkene mu Kulongana kwa Mulimo. Tamufwile ukubilisha ifya kubilisha ifikumine ukuwamya Ing’anda ya Bufumu no kukumana kwa kuya mu mulimo wa mwi bala. (km 10/08 ibu. 1, para. 4) Nga kwaba ica kubilisha icilepele, kuti cawama abakwete amalyashi mu Kulongana kwa Mulimo baishibila libela pa kuti bakapekanye ukulanda amalyashi yabo mu mamineti ayacepeleko.