Bushe Umwana Wenu Lyonse Alaba na Kardi ya Kumwibishilako?

Bushe Umwana Wenu Lyonse Alaba na Kardi ya Kumwibishilako?

ga mulefwayako iyi kardi kuti mwaipusha ku cilonganino. Iyi kardi ya kubomfya abana ba Nte sha kwa Yehova abashilabatishiwa. Yalikwata apa kulemba adresi na nambala ya foni ya bafyashi, kabili ilalondolola ukuti te kuti musumine ukubika umulopa mu mwana wenu lelo kuti mwasumina ukumundapa ukubomfya inshila nshimbi ishisuma. Umwana wenu afwile ukulasenda iyi kardi konse uko aleya.

Abena Kristu bacaice balingile ukukwata kardi ya kubeshibilako, kabili balingile no kwishiba ifya kulondolola bwino umulandu waba mu Baibolo uo bashisuminina ukubabikamo umulopa, kabili balingile ukuba abashipa pa kulondolola. (Imil. 15:28, 29) Pa kuti abana beshibe bwino ifya kulondolola ico bashisuminina ukubabikamo umulopa, abafyashi kuti balepangako no tufisela twa fyo umwana engalondolola ifyo asuminamo. Bushe mulashininkisha ukuti abana benu ababatishiwa bonse balesenda kardi ya DPA e lyo abashabatishiwa nabo balesenda Kardi ya Kwishibikilwako (ic) konse uko baleya?

[Akabokoshi pe bula 6]

KARDI YA KWISHIBIKILWAKO

(Ishina lya mwana)

Abafyashi:

(Adresi ya pa ng’anda)

(Foni ya pa ng’anda) (Foni ya kwenda nayo)

KU NUMA YA KARDI KULI IFYEBO IFYACINDAMA

Fwe bafyashi, twalibika sana amano ku mwana wesu,

Tuli Nte sha kwa Yehova kabili tulakonka sana ifyo Baibolo ilanda. E ico, tatusumina ukutubikamo umulopa. (Imilimo 15:29) Na kabili, abantu abengi balishiba ukuti ukubika umulopa mu muntu kuti kwaleta amalwele pamo nga ubulwele bwa ku libu (hepatitis), HIV, e lyo na malwele yambi, apo tulatiina ukwambula aya malwele eco tushisuminina ukubikwamo umulopa. Na lyo line, tulasumina umuti uufusha mulopa ne nshila shimbi isha kundapilamo ishilenga umulopa ukukanafuma sana ilyo balelepula umuntu e lyo ne miti iilenga umubili ukupanga insandesande shakashika ishingi. Nga umwana wesu asangwa mu busanso nelyo alwalisha, twapapaata twishibisheni mu kwangufyanya. Twalishiba badokota abacindika ifyo twasumina abengasumina ukumundapa ukwabula ukumubikamo umulopa.

(Saineni) (Ubushiku)