JUNE 9-15

ICUMA ICABA MU CEBO CA KWA LESA

Abena Israele abaupana baleipakisha ukulya umukate mu mutende. — Abena Israele abaupana baleipakisha ukulya umukate mu mutende

1. Muleba aba Mutende mu Cupo

(10 min.)

Cilakabila ukubombesha pa kusungilila umutende, lelo mukaba ne nsansa mu cupo nga ca kuti mwabombesha (Amapi. 17:1; moneni icikope pa nkupo)

Mwilafulwa na pa tuntu fye utunono (Amapi. 17:9; g 9/14 ibu. 11 para. 2)

Muleilama mu fyo muletontonkanya (Amapi. 17:14; w08 5/1 ibu. 10 para. 6; ibu. 11 para. 1)

Abaupana aba fyuma abashili ne nsansa abaliko mu nshita balelemba Baibo nabapekanya ifya kulya ifingi. Bonse babili na baikumbata kabili abakashi tabalefwaya ukukutika ninshi bali ne misuula ilyo abena mwabo balelanda.

2. Ukufwayafwaya Icuma Icaba mu Cebo ca kwa Lesa

(10 min.)

Amapi. 17:24—Cinshi twingalandila ukuti “amenso ya muwelewele yalulumba ku mpela sha pano isonde”? (it-1-E ibu. 790 para. 2)

Lembeni icasuko
Cuma nshi mwasangile ilyo mwalebelenga Baibo uno mulungu?

Lembeni icasuko

3. Ukubelenga Baibo

(4 min.) Amapi. 17:1-17 (th isambililo 10)

IFYO TWINGACITA PA KUTI TULEBILA BWINO IMBILA NSUMA

4. Ifyo Mwingatendeka Ukulanshanya

(3 min.) UBUNTE BWA MU LYASHI. (lmd isambililo 3 icishinka 5)

5. Ifyo Mwingatendeka Ukulanshanya

(4 min.) UBUNTE BWA KU CINTUBWINGI. Bepusheni nga kuti batemwa ukulasambilila Baibo. (lmd isambililo 6 icishinka 4)

6. Ilyashi

(5 min.) ijwbv icipande 60—Umutwe: Bushe Amashiwi Yaba pa Amapinda 17:17 Yalola Mwi? (th isambililo 13)

IFYO FWE BENA KRISTU TULINGILE UKULAIKALA

7. Muleba ne Mibele Iingalenga Mulelanshanya Bwino na ba mu Lupwa

(15 min.) Lanshanyeni icipande ne bumba.

Ukulanshanya bwino kuti kwalenga mwaba ne nsansa mu lupwa. Aba mu lupwa nga balelanshanya, cilalenga balefikilisha ifyo bafwaya ukucita kabili balatungililana na mu nshita isha-afya. (Amapi. 15:22) Finshi mwingacita pa kuti mulenge bonse mu lupwa ukulalanda ifyo baletontonkanya ne fyo baleumfwa?

Mulesangako inshita ya kuba pamo. (Amala. 6:6, 7) Aba mu lupwa nga balebombela pamo, balecitila pamo ifya kwa Lesa, kabili baleangalila na pamo, balatemwana sana e lyo no kucetekelana. Na kabili cilalenga balekwatako inshita ya kulanshanya amalyashi ayasuma. Inshita shimo kuti mwaipelesha ukukanacita ifyo mwatemwa pa kuti mu cite ifyo aba mu lupwa bambi batemwa, ukucita ifi kuti kwalenga mwaba ne nsansa mu lupwa! (Fil. 2:3, 4) Bushe kuti mwabomfya shani bwino inshita ilyo muli pamo na ba mu lupwa lwenu?—Efes. 5:15, 16.

Icikope icifumine muli vidio itila “Mulecita Ifingalenga mu Lupwa Mwaba Umutende—Mulelanshanya.” Aba mu lupwa baleipakisha ilyo baleliila pamo ifya kulya.

Tambeni VIDIO itila Mulecita Ifingalenga mu Lupwa Mwaba Umutende—Mulelanshanya. Lyena ipusheni ibumba ifi fipusho:

Bushe ukukanalabomfya bwino ifya kupangapanga kuti kwalenga shani aba mu lupwa balafilwa ukulalanshanya bwino?

Lembeni icasuko
Finshi fimbi mwacisambilila muli vidio pa busuma bwaba mukulanshanya bwino?

Lembeni icasuko

Mulekutikisha. (Yako. 1:19) Abana cilabangukila ukulanda ifyo baleumfwa nga ca kuti tabaletiina ukuti abafyashi babo balakalipa. Kanshi mule-esha na maka ukukana kalipa bwangu nga ca kuti umwana wenu alanda ifyalenga mwasakamana. (Amapi. 17:27) Lelo mufwile ukukutikisha no kumulangulukilako. Mule-esha ukwelenganya ifyo umwana wenu aletontonkanya ne fyo aleumfwa pa kuti muleba ne cikuku ilyo mulemwafwa.

8. Isambililo lya Baibo Ilya pa Cilonganino

(30 min.) bt icipa. 27 amapara. 19-22, akabokoshi pe bu. 212