JUNE 16-22
AMAPINDA 18
Ulwimbo 90 ne Pepo | Amashiwi ya Kutendekelapo (1 min.)
1. Mulelanda Ifingakoselesha Abaleshipikisha Amafya pa Mulandu wa Kulwala
(10 min.)
Muleleka amano ayafuma kuli Lesa yalemwafwa ukwishiba ifya kulanda (Amapi. 18:4; w22.10 ibu. 22 amapara. 17)
Mule-esha ukwelenganya ifyo umuntu aleumfwa pa mafya akwete (Amapi. 18:13; mrt icipande 19 akabokoshi)
Mulebakoselesha kabili mulebatekanishisha (Amapi. 18:24; wp23.1 ibu. 14 para. 3; ibu. 15 para. 1)
YIPUSHENI AMUTI, ‘Finshi mfwile ukucita pa kuti ndeafwa umwina mwandi nga aleshipikisha pa mulandu wa kukalipwa nelyo pa mulandu wa kulwala ubulwele bwa matontonkanyo?’
2. Ukufwayafwaya Icuma Icaba mu Cebo ca kwa Lesa
(10 min.)
Amapi. 18:18—Cinshi balebomfesha ifipendwilo mu nshita balelemba Baibo? (it-2-E amabu. 271-272)
Cuma nshi mwasangile ilyo mwalebelenga Baibo uno mulungu?
3. Ukubelenga Baibo
(4 min.) Amapi. 18:1-17 (th isambililo 11)
4. Ifyo Mwingatendeka Ukulanshanya
(1 min.) KU NG’ANDA NE NG’ANDA. Nga ca kuti umuntu alelanda ululimi lumbi. (lmd isambililo 2 icishinka 5)
5. Nga Mwabwelelako
(3 min.) UBUNTE BWA KU CINTUBWINGI. Nga ca kuti umuntu amweba ukuti mwikokola. (lmd isambililo 7 icishinka 4)
6. Nga Mwabwelelako
(3 min.) UBUNTE BWA MU LYASHI. Sambilisheniko umuntu isambililo limo ilya cindama pa Bufumu bwa kwa Lesa. (lmd isambililo 9 icishinka 5)
7. Ukulondolola Ifyo Mwasuminamo
(4 min.) Icilangililo. ijwfq icipande 29—Umutwe: Bushe Mwasumina Ukuti Lesa Abumbile Umuulu ne Calo mu Nshiku 6 Isha Ma-awala 24? (lmd isambililo 5 icishinka 5)
Ulwimbo 144
8. Ifyo Mwingaafwa Abatemwikwa Benu Ukupalama Kuli Lesa “Apabula Ishiwi”
(15 min.) Lanshanyeni icipande ne bumba.
Bonse twalishibako umuntu uushibombela Yehova pali ino nshita, nalimo kuti aba mwina mwesu, umwana wesu, nelyo cibusa wesu uwaleka ukubombela Yehova. Bushe calimucitikilapo ukuti mwatendeka ukupatikisha umuntu pa kuti fye atendeke ukubombela Yehova? Nangu ca kuti tulefwaya ukwafwa umuntu ukutendeka ukubombela Yehova, ifyo tulelanda nelyo ukucita, kuti fyalenga ifintu ukubipilako. (Amapi. 12:18) Finshi twingacita pa kwafwa umuntu ukutendeka ukubombela Yehova?
Baibo pali 1 Petro 3:1 ilondolola ukuti umulume uushatetekela kuti atendeka ukukonka ifyo icebo ca kwa Lesa cilanda “apabula ishiwi.” Nangu ca kuti umulume wa kwa nkashi alekana ukulanshanya nankwe icine ca mu Baibo, nalimo kuti amwafwa ukwishiba Yehova. Nga ca kuti ali ne mibele iilelanga ukuti alatiina Lesa pamo nga, ukutemwa, icikuuku, na mano, nalimo kuti fyalenga umulume wakwe ukufwaya ukusambilila pali Yehova. (Amapi. 16:23) Nga tuli ne mibele iisuma ne cikuuku kuti calenga ba lupwa lwesu abashibombela Yehova batendeka ukumubombela.—Moneni ifyebo fya kutwafwa ukusambilila muli Baibo ya ciNgeleshi pali Kol. 4:6, nwtsty.
Tambeni VIDIO itila Ababombesha pa Kulwila Icitetekelo Cabo—Abakwata Abena Mwabo Abashili ba Nte. Lyena ipusheni ibumba ifi fipusho:
Finshi mwasambililako ku fyacitike kuli ba Nkashi Sasaki?
Finshi mwasambililako ku fyacitike kuli ba Nkashi Ito?
Finshi mwasambililako ku fyacitike kuli ba Nkashi Okada?