Iseni Mumfwe Ilyashi lya ku Cintubwingi Ilileti “Ni Bani Balepeela Lesa Ubukata Ilelo?”

Abantu abapepa kuti limbi cabapelenganya ukulanda fye pa kupeela Lesa ubukata. Bushe Lesa te Mulopwe wa bubumbo bonse Uwapulamo? Nga e fyo, ni shani umuntunse fye engamupeelela ubukata? Ico kuti cacitika, pantu Baibolo itukonkomesha ati: “Tiineni Lesa no kumucindika.” (Ukusokolola 14:7) Inshila imo twingacitilamo ifi ‘kumfwe cebo ca kwa Lesa no kucibaka!’ (Luka 11:28) E ico kanshi, nga twasambilila Baibolo no kukonka ifishinte fyabamo, kuti twacindika Uwatendeke Baibolo, Yehova Lesa, no kumupeelo bukata.

Lelo bushe ni bani pali lelo abalepeela Lesa ubukata muli iyi nshila? Imintapendwa batila balapepa, lelo bushe ici e ceka fye cifwaikwa? Kuti twashininwa shani ukuti imipepele yesu ilasekesha Lesa ica kuti ilemupeela no bukata? Ayo mepusho yakasukwa mu lyashi lya kucincimusha ilikalatila “Ni Bani Balepeela Lesa Ubukata Ilelo?” Ili lyashi ilya ku cintubwingi likalandwa pa kulongana kwa citungu ukwa Nte sha kwa Yehova ukukatendeka mu August. Amabungano ayengi ayapala aya yakabako icalo conse. Pa kuti mwishibe ukwa kulonganina ukuli mupepi no ko mwikala, ipusheni Inte sha kwa Yehova abekala mupepi na imwe, nelyo lembeleni kalata ku basabankanya uno magazini.