Langisheni Ukuti Mwalitemwa Lesa

Pa kuti umuntu atwalilile ukuba cibusa wenu, mukabila ukulalanda nankwe. Ilyo alelanda, mulakutika, na o alakutika ilyo mulelanda. Mulebako na bantu bambi ifintu ifisuma pa lwa cibusa cenu. E fyo caba na lintu twaba cibusa wa kwa Lesa. Moneni fintu Baibolo ilanda pa lwa ici:

Mulelanda na Yehova lyonse ukupitila mu kupepa. “Ku kupepa mube aba mukoosha.”—Abena Roma 12:12.

Mulebelenga Icebo ca kwa Lesa, Baibolo. “Amalembo yonse yantu yapuutwamo kuli Lesa, kabili ya mulimo ku kusambilisha, ku kwebaula, ku kulungika.”—2 Timote 3:16.

Mulesambilisha abantu bambi pa lwa kwa Lesa. “E ico kabiyeni, kalengeni aba nko shonse ukuba abasambi, . . . mulebasambilisha ukubaka fyonse ifyo namwebele.”—Mateo 28:19, 20.

Palameni ku fibusa fya kwa Lesa. “Enda na ba mano e lyo ukabo wa mano.”—Amapinda 13:20.

Mulelongana ku Ng’anda ya Bufumu. “Twetetule umwa kucincimushanisha ku kutemwa kabili ku kubombe milimo isuma; . . . tukonkomeshanye.”—AbaHebere 10:24, 25.

Muleafwilisha umulimo wa Bufumu. “Onse [apeele] umo apangile mu mutima wakwe; te kupeela no mutimako nangu mu kupatikishiwa, pantu Lesa atemwo mupe wa nsansa.”—2 Abena Korinti 9:7.