Icipande 3

Lekeni Imyendele Yenu ne fyo Mucita Filesekesha Lesa

Bushe kuti mwa-asuka shani icipusho ca kuti: “Cinshi cimbi ico Yehova alefwaya kuli iwe?” (Mika 6:8) Ifyo bakasesema 12 balembele kuti fyatwafwa ukwishiba ico afwaya. Nge fyo mukamona mu Cipandwa 8 ukushinta ku Cipandwa 10 muli cino citabo, ifyo aba bakasesema balembele kuti fyamwafwa ukwishiba ifya kucita pa kucimfya amafya ne fya kuba abafumacumi ne fyo mwingataluka ku lukakaala. Na kabili mukasambililamo amano yasuma ayo balandapo pa fya kwikala mu ng’anda, kabili ayo mano kuti mwatemwa no kuyakonka.