Watchtower LAIBRARE YA PA INTANETI
Watchtower
LAIBRARE YA PA INTANETI
Cibemba
  • BAIBOLO
  • IMPAPULO
  • UKULONGANA
  • lfb isambililo 53 ibu. 128
  • Yehoyada Aali Uwashipa

Vidio mulefwaya tamuli

Mukwai yafilwa ukutambika

  • Yehoyada Aali Uwashipa
  • Ifyo Wingasambilila ku Malyashi ya mu Baibolo
  • Ifipalileko
  • Yoashi Alekele Ukupepa Yehova pa Mulandu wa Kwangala na Babipa
    Ulupungu lwa kwa Kalinda—2009
  • Mulandu Nshi Tulingile Ukutiinina Yehova?
    Ulupungu lwa kwa Kalinda (Ulwa Kusambililamo)—2023
  • Yehova Akalatupaala Nga Tuli Abashipa
    Imikalile ya Bwina Kristu no Mulimo Tubomba—Akatabo ka Kubomfya pa Kulongana—2023
  • Umwanakashi Uwalefwaya Ukukwata Icifulo Icikalamba Kabili Uwali no Mutima Uubi Bamukanda
    Imikalile ya Bwina Kristu no Mulimo Tubomba—Akatabo ka Kubomfya pa Kulongana—2022
Moneni na Fimbi
Ifyo Wingasambilila ku Malyashi ya mu Baibolo
lfb isambililo 53 ibu. 128
Shimapepo Mukalamba alelanga abantu Imfumu Yoashi

Isambililo 53

Yehoyada Aali Uwashipa

Yesebele alikwete umwana umwanakashi, ali ni Atalia, na o ali no mutima uubi kwati fye ni nyina. Atalia aupilwe ku mfumu ya Yuda. Ilyo umulume wakwe afwile, umwana wakwe umwaume e watendeke ukuteka. Nomba ilyo umwana wakwe afwile, Atalia ali-ibikile pa bufumu mu Yuda. Lyene aipeye abana ba mfumu bonse abali no kupyana pa bufumu ukubikako fye na beshikulu bakwe. Abantu bonse balemutiina.

Shimapepo Mukalamba Yehoyada no mwina mwakwe Yehosheba, balishibe ukuti ifyo Atalia alecita fyalibipile. E ico balifishile Yoashi umwishikulu wa kwa Atalia ninshi ali fye akanya, kabili balemusungila mwi tempele. Atalia nga alishibe ifyo bacitile, nga alibepeye.

Ilyo Yoashi ali ne myaka 7, Yehoyada aitile abakalamba na bena Lebi e lyo abeba ati: ‘Mulelonda ifiibi fye tempele, kabili mwilasuminisha umuntu nangu umo ukwingilamo.’ Lyena Yehoyada abikile Yoashi pa bufumu mu Yuda, amufwika ne cisote ca bufumu. Abantu ba mu Yuda babilikishe abati: ‘Kalebalika mwe mfumu!’

Namfumu Atalia apunda

Ilyo Namfumu Atalia aumfwile icongo abantu balepanga, aile bwangu bwangu kwi tempele. Ilyo amwene imfumu iipya, apundile ati: “Nabampondokela! Nabampondokela!” Abakalamba baikete namfumu uwalecita ifyabipa, no kumusenda bayamwipaya no kumwipaya. Bushe abantu balitwalilile fye ukucita ifyabipa?

Yehoyada alyafwile abantu ukupangana icipangano na Yehova, kabili balaile Yehova ukuti e o bakulapepa fye eka. Yehoyada abebele ukuyatobaula itempele lya kwa Baali ne filubi fyonse. Asontele bashimapepo na bena Lebi ukulabomba pe tempele pa kuti abantu batendeke na kabili ukupepa Yehova. Alisontele na ba kulinda pa mwinshi we tempele pa kuti umuntu onse uwakowela elaingilamo. Lyena Yehoyada na bakalamba batwele Yoashi kwi sano, bamubika na pa cipuna ca bufumu. Abantu mu Yuda balitemenwe icine cine. Apo Atalia uwali no mutima uubi alifwile, e lyo takwali na balepepa Baali, abaYuda balitendeke ukubombela Yehova na kabili. Bushe wamona ukuti filya Yehoyada ali uwashipa fyalyafwile abantu abengi?

“Mwilatiina abengepaya umubili lelo abashingepaya umweo; nomba muletiina uwingonawila umweo no mubili mu Gehena.”—Mateo 10:28

Amepusho: Bushe Yehoyada alangile shani ukuti ali uwashipa? Bushe ulemona ukuti Yehova kuti akwafwa ukuba uwashipa?

2 Ishamfumu 11:1–12:12; 2 Imilandu 21:1-6; 22:10-12; 23:1–24:16

    Impapulo sha mu Cibemba (1982-2025)
    Isaleni
    Isuleni
    • Cibemba
    • Peleniko Bambi
    • Ifyo Mwingasala
    • Copyright © 2025 Watch Tower Bible and Tract Society of Pennsylvania
    • Ifya Kubomfya
    • Amafunde Yesu
    • Privacy Settings
    • JW.ORG
    • Isuleni
    Peleniko Bambi