Mulelanda Ifyebo Ifyo Abantu Bengomfwa

1 Abena Korinti 14:9

IFILI MULI ILI ISAMBILILO: Mulelanda mu nshila ya kuti abalekutika baumfwa umulolele ifyo mulelandapo.

IFYO MUFWILE UKUCITA:

• Muleisambilisha sana ifyo mukalandapo. Mulingile ukwishiba bwino ifyo mukalandapo ica kutila kuti mwafilondolola mu nshila iyayanguka kabili mu mashiwi yenu.

• Mulelanda amasentensi ayepi na mashiwi ayayanguka ukumfwa. Nangu ca kuti amasentensi ayatali yaliba fye bwino, ilyo mulelanda ifishinka ifikalamba mulelanda amasentensi ayepi.

• Mulelondolola amashiwi ayo abalekutika bashaishiba. Kuti cawama nga tamulelanda amashiwi ayo abalekutika bashaishiba. Nga mwalanda ishiwi ilyo bashishibe, pa muntu uo Baibolo yalandapo, pa fyo balepima ifintu kale nelyo pa ntambi, mulingile ukulondolola.