Ukukumana kwa pa Mwaka—October 5, 1991

UKUKUMANA KWA PA MWAKA ukwa filundwa fya Watch Tower Bible and Tract Society of Pennsylvania kukacitwa pa October 5, 1991, pa Ŋanda ya Kulonganinamo iya Nte sha kwa Yehova, 2932 Kennedy Boulevard, Jersey City, New Jersey. Ukukumana kwa kubalilapo ukwa filundwa fyeka kukacitwa pa 9:30 a.m., ukukonkwapo no kukumana kwa pa mwaka ukwa cinkumbawile pa 10:00 a.m.

Ifilundwa fya Kulembesha bafwile ukwishibisha Iofesi lya kwa Kalemba nomba pa lwa kwaluka ukuli konse mu maadresi yabo yonse aya makalata mu kati ka mwaka wapita pa kuti amakalata ya lyonse aya cishibilo ne fyalembwa fya kwimininwako fingafika kuli bene mu kwangufyanya fye pa numa ya August 1.

Ifyalembwa fya kwimininwako, ifikatumwa ku filundwa fyonse pamo ne cishibilo ca kukumana kwa pa mwaka, fili no kubweshiwa pa kuti fikafike kwi Ofesi lya kwa Kalemba wa Sosaite te kucila pa August 15. Icilundwa cimo na cimo cifwile ukwisushisha no kubwesha icalembwa cakwe ica kwimininwako mu kwangufyanya, ukulondolola nampo nga akabapo pa kukumana pa lwakwe nelyo iyo. Ifyebo fyapeelwa pa calembwa ca kwimininwako cimo na cimo filingile ukulondolola pali ici cishinka, apantu fikashintililwapo pa kupima mu kubangilila abo mu cituntulu bakabapo pa lwabo.

Cileenekelwa ukuti ukukumana konse, ukusanshako ukukumana kwa mwi funde na malipoti, fikasondwelela ukufika pa 1:00 p.m. nelyo mu kwipipa pa numa. Takwakabeko ukukumana kwa cungulo. Pa mulandu wa ncende yapelela, ukusuminishiwa kukaba ku bamatikiti epela. Takwakabe ukutantika kwa kulundinkanya ukukumana kwa pa mwaka ku nsale sha telefoni ku fifulo ifili fyonse fimbi.