Ukukumana kwa pa Mwaka October 2, 1999

UKUKUMANA KWA PA MWAKA ukwa baba mu Watch Tower Bible and Tract Society of Pennsylvania kukabako pa October 2, 1999 pa Ng’anda ya Kulongana Kukalamba iya Nte sha kwa Yehova, 2932 Kennedy Boulevard, Jersey City, New Jersey. Ukukumana kwa kubalilapo ukwa babamo beka kukabako pa 09:15 hrs, ukukonkwapo no kukumana kwa pa mwaka ukwa cinabwingi pa 10:00 hrs.

Ababa muli uku Kuteyanya balingile ukwishibisha Kalemba nomba pa lwa kwaluka ukuli konse mu keyala kabo aka makalata mu mwaka wapita pa kuti amakalata ya lyonse aya cishibisho ne fyalembwa fya kwimininwako fingafika kuli bene mu July.

Ifyalembwa fya kwimininwako, ifikatumwa ku baba muli uku Kuteyanya pamo pene ne cishibisho ca kukumana kwa pa mwaka, filingile ukubweshiwa pa kuti fingafika kuli Kalemba wa Sosaite ilyo August 1 ishilafika. Umo na umo uwaba muli uku Kuteyanya alingile ukwisushisha no kubwesha icalembwa cakwe ica kwimininwako mu kwangufyanya, ukulanda nampo nga akasangwa ku kukumana nelyo iyo. Ifyebo fikapeelwa pa calembwa ca kwimininwako cimo na cimo filingile ukulungatika ici cishinka, apantu e cikeshibisha abakasangwako.

Cileenekelwa ukuti ukukumana konse, ukusanshako ukukumana kwa mwi funde na malipoti, kukapwa ilyo13:00 hrs ishilakumana nelyo pa 13:00 hrs pene. Takwakabe ukukumana kwa cungulo. Pa mulandu wa kucepelwa kwa ncende, abakasuminishiwa ukusangwako bakaba bamatikiti epela. Takwakabe ukutantika kwa kulundinkanya ukukumana kwa pa mwaka ku matelefoni ku fifulo ifili fyonse fimbi.