Ifya Kulanda Pali Bamagazini

Ulupungu lwa kwa Kalinda June 15

“Fwe bengi tupoosa inshita ikalamba iyo tuba abomi ku kubomba incito. Bamo batila cisuma sana ukucite ci; bambi bamona kwati kuicusha fye. Nga imwe mumona shani? [Lekeni basuke. E lyo mubelenge Lukala Milandu 2:24.] Iyi magazini ilelanda pa fyo Baibolo ingatwafwa ukwishiba ifyo tulingile ukumona ukubombe ncito. Ilelanda na pa fyo twingacita pa mafya tukwata pa ncito.”

Loleni Apr.–Jun.

“Mu mayanda ayengi abafyashi abanakashi balibombesha ukusambilisha no kukansha abana ukwabula bawishi. Bushe pali ifyo abaice bengacita ku kulanga ukutasha ku bafyashi abanakashi? [Lekeni basuke, nga baasuka, belengeni Abena Efese 6:1, 2.] Iyi magazini ilelanda pa fyo abafyashi bacita pa kuti basambilishe abana e lyo ne fifuma mu kubombesha kwabo.”

Ulupungu lwa kwa Kalinda July 1

“Ifwe bonse twalishiba abantu abamoneka kwati balikwata sana icuma lelo abatila kwaba fimo ifyo bashakwata. Bushe kuti mwatila fimbi finshi bafwaya? [Lekeni basuke. Lyene belengeni Mateo 5:3.] Iyi magazini ilelanda pa cintu cimo icikankaala icingamuletela insansa sha cine cine, ne ci, kwishiba ifya ku mupashi ifyo tukabila.”

Loleni Apr.–Jun.

“Cimo icitukosela sana muno nshiku, kwishiba ifya kucita nga twasakamikwa. Bushe te ifyo? [Lekeni basuke.] Ifilecitika muno nshiku e fyo Baibolo yatile fikalacitika. [Belengeni 2 Timote 3:1.] Iyi magazini nailanda bwino bwino ifyo imwe no lupwa lwenu mwingacita nga mwasakamikwa.”