Ifya Kulanda Pali Bamagazini

Ulupungu lwa kwa Kalinda April 1

“Abantu bamo batila Lesa alitupekanishisha ifikatucitikila ku ntanshi, ilyo bambi bena batila fwe bene ni fwe tuisalila ifyo cikaba. Nga imwe muletipo shani? [Lekeni basuke.] Umfweni aya mashiwi yashaiwamina. [Belengeni Lukala Milandu 9:11.] Ici cipande cilelanda pa fyo Baibolo yasuka icipusho ca kuti, ‘Bushe twalilingilwa libela?’” Balangeni icipande icili pe bula 26.

Loleni! April–June

“Abengi pali lelo balasakamana sana nga tabakwete indalama, maka maka pali ino nshita ilyo kuli amafya mu twampani utwingi. Bushe na imwe mulesuminishako? [Lekeni basuke.] Umfweni uku ukupanda amano ukusuma. [Belengeni 1 Timote 6:8, 10.] Iyi magazini ilelondolola amashiwi ya mu Baibolo ayengatwafwa ukukanaonaula indalama pa kuti twilacula ku masakamika.”

Ulupungu lwa kwa Kalinda May 1

“Bushe kuti mwatila cinshi cingalenga umuntu ukufilwa ukucetekela muli Lesa? [Lekeni basuke.] Ukulingana ne filanda ili lembo, icitetekelo calicindama sana. [Belengeni AbaHebere 11:6.] Iyi magazini ilelanda pa fintu fine ifyo tufwile ukucita pa kukosha icitetekelo cesu.”

Loleni! April–June

“Babemba abengi ne mimana muno calo filekama, kabili abantu abengi balacula pa kusanga amenshi ya kunwa ayasuma. Bushe kuti mwatila fwe bantu kuti twapwisha ubu bwafya fwe bene? [Lekeni basuke. ­Lyena belengeni Yeremia 10:23.] Iyi magazini ilelanda pa co Baibolo ilondolola ukuti e cikapwisha ubu bwafya.”