Ukupituluka Mu Kulongana Kwa Muputule

Ifi fyebo fikalandwapo mu Kulongana kwa Mulimo nga kwashala panono ukuti mulongane umuputule na pa numa fye ya uko kulongana mu mwaka wa mulimo uwa 2006. Kangalila wa kutangilila akateyanya ukuti kukabe ukulanda pali programu uwa kulongana kwa muputule no kwisapitulukamo nga fintu batwebele mu Ubutumikishi Bwesu Ubwa Bufumu ubwa August 2004, pe bula 4. Ilyo mulepitulukamo, ipusheni amepusho yonse, kabili landeni sana pa fyo twingabomfya ifyo twasambilile.

UBUSHIKU BWA KUBALILAPO

1. Tufwala shani ubuntu bupya, kabili cinshi tufwile ukubufwalila lyonse?

2. Finshi bamo baacita pa kuti balebomba sana umulimo wa kushimikila?

3. Mulandu nshi tushilingile ukuilinganishisha kuli bambi?

4. Bushe aba mu lupwa balanga shani ubuntu bupya kubo baba nabo mu lupwa?

5. Bushe kuti twalanga shani bucishinka mu kutungilila icilonganino?

6. Mulandu nshi tufwile ukulangila ubuntu ubupya ilyo tuli mu mulimo wa mwi bala?

7. Bushe ukwetetula kusuma kusanshamo cinshi, kabili tunonkelamo shani mu kwetetula kwa musango uyo?

8. Mibele nshi ikalenga Yehova ukutumumunga?

UBUSHIKU BWA CIBILI

9. Bushe cacindama shani ukubomfya ululimi lwesu bwino?

10. Busuma nshi bwaba mu kubomfya amashiwi ayasuma ilyo tulelanda na bo tubomba na bo, abana be sukulu banensu na bantu bambi?

11. Kuti twakonka shani ukufunda kwa kwa Paulo ukwaba pa Abena Efese 4:25-32 ilyo tuli na basumina banensu?

12. Ni nshila nshi iyacindamisha iyo twingabomfeshamo ululimi lwesu?

13. Cinshi tufwile ukucita pa kucimfya umubifi?

14. Ni muli finshi umo tufwile ukwesha na maka ukuisunga ababula akabi ku fya pano calo?

15. Mulandu nshi cacindamina cila bushiku ukulenga ubuntu bwesu ubwa mu kati cipya cipya, kabili kuti twacita shani fyo?

16. Finshi ifyo twafundilwe mu kulongana kwa muputule ukwa uno mwaka ifyo mulepanga ukulacita?