Ifya Kulanda Pali Bamagazini

Ulupungu lwa kwa Kalinda May 1

Belengeni Mateo 24:3. Lyena landeni amuti: “Abantu bamo batontonkanya ukuti ici cipusho cilanda pa konaulwa kwe sonde. Bushe mutontonkanya ukuti lino isonde likonaulwa? [Lekeni basuke.] Ifyo Yesu ayaswike filatulenga tule-enekela impela ya cintu cimbi te mpela ye sonde iyo. Icipande cili pe bula 16 nacilondolola na fimbi pali ili lyashi.”

Loleni! April-June

“Abantu abengi nga bakwata amafya, bamona kwati Lesa e ulebakanda. Bushe na imwe mwalitontonkanyapo pali ifyo? [Lekeni basuke. Lyena belengeni Yakobo 1:13.] Ici cipande nacilondolola uulenga ukuti tulekwata amafya e lyo no mulandu twingacetekelela ukuti ukucula konse kuli no kupwa nomba line.” Balangeni icipande icitendekele pe bula 29.

Ulupungu lwa kwa Kalinda June 1

“Abengi muno nshiku balitemwa ifitabo umo bengasambilila icitemwiko, ifya kusunga abana, ne fya kuba ne nsansa. Bushe na imwe mwalifitemwa ifitabo fya musango uyu? [Lekeni basuke.] Abantu abengi balisuula icintu cimo icingabapanda amano yene yene. [Belengeni 2 Timote 3:16.] Iyi magazini nailondolola umulandu twingacetekela Baibolo kabili nailangilila ne fisuma ifyaba mu Baibolo ifingatwafwa.”

Loleni! April-June

“Abengi muno nshiku balitemwa ifitabo umo bengasambilila icitemwiko, ifya kusunga abana, ne fya kuba ne nsansa. Bushe na imwe mwalifitemwa ifitabo fya musango uyu? [Lekeni basuke.] Abantu abengi balisuula icintu cimo icingabapanda amano yene yene. [Belengeleni 2 Timote 3:16.] Iyi magazini nailondolola umulandu twingacetekela Baibolo kabili nailangilila ne fisuma ifyaba mu Baibolo ifingatwafwa.”