Ifya Kulanda Pali Bamagazini

Ulupungu lwa kwa Kalinda May 1

“Abantu bamo nga bamona ifinkunka filecitika, bamona kwati Lesa e uleta ifi fintu pa kuti atukande. Nga imwe muletipo shani? [Lekeni basuke. Lyena belengeni 1 Yohane 4:8.] Ici cipande nacilondolola umulandu tushingalandila ukuti Lesa e uleta ifinkunka ifiponena abantu.” Balangeni icipande cili pe bula 30.

Loleni Apr.–June

“Mu fyupo fyonse mulaba amafya. Bushe ni kwi uko abaupana bengabutukila nga balefwaya ukupandwa amano? [Lekeni basuke.] Umfweni ifyo baletweba apa. [Belengeni Abena Efese 5:22, 25.] Ici cipande nacilondolola ifyo cipilibula ku mwanakashi waupwa ukunakila umulume.” Balangeni icipande cili pe bula 18.

Ulupungu lwa kwa Kalinda June 1

“Ilyashi limo ilyaishibikwa sana mu Baibolo, lyashi lya kwa Noa ne Lyeshi. Bushe batini ca cine Ilyeshi e ko lyali? [Lekeni basuke.] Namwishiba, Yesu na o wine alilandilepo pa Lyeshi. [Belengeni Luka 17:26, 27.] Iyi magazini nailondolola bwino umulandu twingasuminina ukuti Ilyeshi ca cine e ko lyali kabili nailondolola na masambililo yacindama ayo twingasambililako.”

Loleni Apr.–June

“Bushe utubungwe twa mapepo tonse tusuma? [Lekeni basuke.] Umfweni ifyo Baibolo yalanda pa fyo bamo bapepa. [Belengeni Marko 7:7.] Bushe umuntu kuti aishiba shani nampo nga ku calici ku mwabo basambilisha icine nangu ‘mafunde ya bantu’ basambilisha? Bushe kwaba umuntu uwingeshiba icine? Iyi magazini nayasuka ifi fipusho.”