Ifya Kulanda pa Kushalika Magazini

Ulupungu lwa kwa Kalinda August 1

“Abantu abengi batontonkanya ukuti abantu bonse abasuma bakaya ku muulu. Bushe na imwe e fyo mutontonkanya? [Lekeni basuke.] Moneni ifyo Baibolo ilanda ifikacitika pano calo. [Belengeni Amalumbo 37:11, 29.] Ici cipande cilelanda ifyo Yesu asambilishe pa fyo abantu bakekala pano calo.” Lanshanyeni ilyashi ilitendekele pe bula 22.

Loleni! July–September

“Ifwe bonse kwaliba abantu abafwa abo twaishiba. Nomba bushe tufwile ukutiina ukuti bamo pali aba kuti bafulwa no kutucena? [Lekeni basuke. Lyena belengeni Lukala Milandu 9:5, 6.] Amashiwi ayali muli ili lyashi kuti yamusansamusha nga nshi.” Balangeni ilyashi ilitendekele pe bula 18.

Ulupungu lwa kwa Kalinda September 1

“Abantu bamo batila nga muli ba cishinka kuli Lesa, ninshi Lesa akamupeela ifyuma, lelo nga muli bapiina ninshi Lesa tamupaala. Nga imwe kuti mwatila shani? [Lekeni basuke.] Lelo ica kupapusha ca kuti Yesu ali mupiina. [Belengeni Luka 9:58.] Ino magazini ilelanda pa mapaalo ayo abantu ba kwa Lesa bengenekela ukukwata.”

Loleni! July–September

“Abana be sukulu abengi balatitikishiwa. Bushe muletontonkanya ukuti ifintu fyalyaluka ukucila ifyo fyali mu nshita sha bafyashi babo. [Lekeni basuke.] Ifya kubatitikisha nga fyafula kuti fyalenga bakwata amafya. [Belengeni Lukala Milandu 7:7a.] Ino magazini ilelanda ifyo abakulu bengafwa abaice ukushipikisha amafya.” Balangeni ilyashi ilitendekele pe bula 11.