Ifya Kulanda pa Kushalika Magazini

Ulupungu lwa kwa Kalinda September 1

“Abengi bamona kwati ifyo ibuuku lya Ukutendeka lyalanda pali Adamu na Efa fya kwelenganya fye. Bambi baishiba ukuti Adamu na Efa baali bantu ba cine cine. Nga imwe mwaishibapo shani? [Lekeni basuke.] Moneni ifyo Yesu abalandilepo. [Belengeni Marko 10:6-9.] Cino cipande cilelanda pa fingalenga tushininkishe ukuti Adamu na Efa baali bantu ba cine cine kabili nacilondolola no mulandu cacindamina ukukanasumina fye icisuminesumine.” Balangeni icipande icitendekele pe bula 12.

Loleni! July–September

“Abantu bamo bamona kwati ukutontonkanya pa kucita ubulalelale kwaliba fye bwino cikulu fye umuntu tacitile ifyo aletontonkanya. Nga imwe muletipo shani? [Lekeni basuke.] Moneni ifyo Baibolo yena ilanda. [Belengeni Mateo 5:28.] Cino cipande cilelanda pa bwafya bwaba mu kulatontonkanya pa kucita ubulalelale e lyo na pa fyo twingaleka ukulatontonkanyapo.”

Ulupungu lwa kwa Kalinda October 1

“Ifwe bonse tulakwata amafya. [Lumbuleni amafya yamo yamo ayo abantu bakwata mu cifulo mushimikila.] Bushe mumona ukuti Lesa kuti atwafwa muli aya mafya? [Lekeni basuke.] Pali ili lembo Yesu alanda pa nshila imo iyo Lesa atwafwilamo. [Belengeni Luka 11:13.] Ino magazini ilelondolola ifyo umupashi wa mushilo waba e lyo ne fyo utwafwa.”

Loleni! July–September

“Abantu mu fyalo ifingi balisumina ukuti umuntu nga afwa mu mubili wakwe mulafuma cimo. Bushe mwalibala amutontonkanya pa ficitika ku muntu nga afwa? [Lekeni basuke. Lyena Belengeni Lukala Milandu 9:5.] Ino magazini ilelanda icine pa fyo Baibolo yalanda ukuti e ficitika umuntu nga afwa.”