Ifyo Mwingabomfya Broshuwa ya Bible’s Message

Abantu abengi mu fifulo tushimikilamo, maka maka ababa mu mipepele iishili ya Bena Kristu, tabaishiba Baibolo. Bakasabankanya bamo ilyo balesambilila na ba musango uyu mu citabo ca Baibolo Isambilisha, balabomfyako na broshuwa ya Bible’s Message ukwafwa abasambi ukwishiba fimo pali Baibolo. Ku ca kumwenako, munyinefwe umo ilyo aletendeka ukusambilila no musambi mu cipandwa 3 mu citabo ca Baibolo Isambilisha alatendeka no kulanshanya no musambi ifyebo fyaba mu lubali 1 (section 1) iya iyi broshuwa. Lyena cila nshita, nga bapwisha ukusambilila, balalanshanya ulubali na lumbi muli broshuwa. Bushe mulasambililapo no muntu uushaishiba Baibolo nelyo uwaishibako fye panono? Pa kwafwa umusambi ukwishiba ‘amalembo ya mushilo ayaba na maka ya kumulenga ukuba uwa mano, no kumulenga ukupusuka,’ kuti mulebomfyako ne yi ine broshuwa ya Bible’s Message ilyo mulesambilila icitabo ca Baibolo Isambilisha.—2 Tim. 3:15.