Landeni pa Cipande Cimo, Lelo Shalikeni Magazini Yonse Ibili

Muli magazini yonse iyo tupokelela mulaba amalyashi ayapusanapusana ayo abantu bengatemwa ukubelenga. Ukucila ukulanda pa malyashi ayengi ilyo tulelanshanya no muntu, ilingi cilawama ukulanda fye pa cipande cimo. Nga ca kuti tulebika amano ku bo tulelanda nabo kabili natwishiba bwino ne fili muli magazini, kuti twasala icipande ico abo tulelanda nabo bengatemwa mu Ulupungu lwa kwa Kalinda nelyo Loleni! Ku ca kumwenako, nga twamona utwa kwangasha mu ng’anda nelyo mu lubansa, kuti twasala icipande icilelanda pa lupwa muli magazini iili yonse e co twalandapo. E lyo nga mwaume mulelanda nankwe, kuti mwalanda pa lyashi ilyo abaume abengi bengatemwa ukumfwa pamo nga imitekele. Nangu twalanda fye pa cipande cimo, kuti cawama ukubapeela magazini yonse ibili, kulila fye balefwaisha ukuibelenga.