Amasambililo Twingasambilila mwi Buuku lya kwa Yona

Mu Baibolo, Yehova alilembamo amalyashi pa baume na banakashi ba citetekelo pa kuti engatusambilisha amasambililo yacindama. (Rom. 15:4) Finshi mwasambililemo mwi buuku lya kwa Yona? Tambeni vidio iitila: Amapepo ya Lupwa: Yona—Mulepashanya Yehova Uwaba no Luse, lyena asukeni ifi fipusho:

• Mafya nshi bakasabankanya batatu abaciba muli vidio bakwete?

• Bushe ifyaba mwi buuku lya kwa Yona kuti fyatukoselesha shani nga ca kuti batusalapula nelyo batupoka imilimo imo mu cilonganino? (1 Sam. 16:7; Yona 3:1, 2)

• Bushe ilyashi lya kwa Yona kuti lyatwafwa shani ukutwalilila ukutemwa abantu mu cifulo tubilamo imbila nsuma? (Yona 4:11; Mat. 5:7)

• Bushe ifyacitikiile Yona kuti fyatukoselesha shani ukushipikisha nga ca kuti twalilwala amalwele ayashipola? (Yona 2:1, 2, 7, 9)

• Bushe ifyo mwatamba muli vidio fyamusambilisha finshi pa fyo cacindamina ukubelenga Baibolo no kutontonkanyapo?