Ifingatwafwa Ukulabila Bwino Imbila Nsuma—Ukwafwa Ababa no “Mutima Uusuma” Ukuba Abasambi

ICO CACINDAMINA: Yehova alalenga icine ukukula mu ‘mutima uusuma uufwaya umweo wa muyayaya.’ (Imil. 13:48; 1 Kor. 3:7) Nga tulebika amano ku kusambilisha abantu abacita ifyo tulebasambilisha, ninshi tulebombela pamo na Yehova. (1 Kor. 9:26) Abasambi ba Baibolo balingile ukwishiba ukuti pa kutila bakapusuke bafwile ukubatishiwa. (1 Pet. 3:21) Tulalenga baba abasambi nga tulebafwa ukwalula imibele yabo, ukwishiba ifya kubila imbila nsuma no kusambilisha e lyo no kuipeela kuli Yehova.—Mat. 28:19, 20.

IFYO MWINGACITA:

• Ebeni abasambi ukuti ico mulebasambilishisha Baibolo ni co mulefwaya ukubafwa ‘ukwishiba’ Yehova e lyo no kulacita ifyo afwaya.—Yoh. 17:3

• Afweni abasambi ukwishiba ukuti nga baleyalukako muli fimo pamo nga ukuleka imibele yabipa e lyo no kulaangala na bakwata imibele yabipa kuti balunduluka mu fya kwa Lesa

• Mulebakoselesha no kubafwa ilyo bashilabatishiwa na pa numa ya kubatishiwa.—Imil. 14:22

TAMBENI VIDIO ITILA YEHOVA LESA AKAMWAFWA, LYENA ASUKENI AYA MEPUSHO:

• Finshi fingalenga umuntu afilwa ukuipeela no kubatishiwa?

• Finshi baeluda bengacita pa kwafwa umusambi wa Baibolo ukulunduluka mu fya kwa Lesa?

• Finshi ilembo lya kwa Esaya 41:10 litusambilisha pali Yehova?

• Mibele nshi ingatwafwa ukubombela bwino Yehova nangu ca kuti tatwapwililika?