Paulo Aya ku Roma

27:23, 24; 28:1, 2, 16, 17

Nangu ca kuti Paulo ali mufungwa, talekele ukubila imbila nsuma. Ilyo ali mu bwato, alebila ku baleensha ubwato e lyo na bambi abali mu bwato. Ilyo ubwato bwabundile mupepi ne cishi ca Melita, Paulo afwile alebila imbila nsuma ku bantu abo aundepe. Pa numa ya nshiku shitatu ukutula apo afikiile mu Roma, aitile abalashi ba baYuda pa kuti abebeko imbila nsuma. Pa myaka ibili iyo bamukakiile mu ng’anda, alebila imbila nsuma kuli bonse abalemutandalila.

Finshi mwingacita pa kuti mulebila imbila nsuma nangu ca kuti mulalwalilila, muli bakalamba nelyo mwalikwata amafya yambi?