“Twalilileni Ukutontonkanya Pali fi Fintu”

Ilembo lya Abena Filipi 4:8 ilalanda ukuti tulingile ukulatontonkanya pali fyonse ifya cine, ifya mucinshi, ifyalungama, ifyasanguluka, ifyatemwikwa, ifyawama, pali conse icisuma icabako na pali conse ica kutasha. Na lyo line ici tacilolele mu kuti Umwina Kristu alingile ukulatontonkanya fye pa fya mu Baibolo inshita yonse. Lelo cilolele mu kuti ifyo tutontonkanyapo filingile ukulenga Yehova asekelela. Tatulingile ukulatontonkanya pa fingalenga twafilwa ukuba aba cishinka kuli Yehova.—Amalu. 19:14.

Cilafya limo ukuleka ukutontonkanya pa fyabipa. Tulingile ukulwishanya na fyabipa ifyo tufilwa ukuleka ukucita kabili tulingile no kulwishanya na Satana “lesa wa bwikashi buno.” (2 Kor. 4:4) Pa mulandu wa kuti Satana e utungulula ifintu ifingi ifyo tutamba pa TV, ifyo tukutika ku cilimba, ifyaba pa intaneti e lyo ne fyo balemba, ifibamo ilingi line fyalibipa. Nga tulekutika, tuletamba kabili tulebelenga ifyabipa, ifyo fine e fyo tukalatontonkanyapo kabili no kucita e fyo tukalacita.—Yako. 1:14, 15.

TAMBENI VIDIO ITILA MWILACITA IFINGALENGA MWALEKA UKUBA NE CISHINKA—IFYA KULESESHAMO ICITENDWE IFYABIPA, LYENA ASUKENI AMEPUSHO YAKONKAPO:

• 

  Finshi munyinefwe aletamba pali foni, kabili fyalengele alatontonkanya pali finshi?

• 

  Bushe ifyaba pa Abena Galatia 6:7, 8 na pa Amalumbo 119:37 fyamwafwile shani?