IFYO FWE BENA KRISTU TULINGILE UKULAIKALA

Muleba no Kutemwa Ukushipwa nga Yehova

Yehova e waba sana no kutemwa ukushipwa kabili e o tulingile ukulapashanya. (Amalu. 103:11) Uku ukutemwa te kwa pa kashita fye akanono. Ukutemwa kwa cine cine kulatwalilila. Yehova alilangile uku kutemwa ku bantu bakwe abena Israele mu nshila ishingi. Alibafumishe mu busha mu Egupti no kubaleta mu Calo ca Bulayo. (Amalu. 105:42-44) Alebalwilako kabili alebabelela no luse nga ba mubembukila. (Amalu. 107:19, 20) Nga ‘tulebika amano ku milimo ya kwa Yehova iya cikuuku’ tulafwaisha ukulamupashanya.—Amalu. 107:43.

Ifikope: Ifikope ifili muli vidio itila “Mulebika Amano ku fyo Yehova Acita Ifilanga Ukuti Aliba no Kutemwa Ukushipwa.” 1. Munyinefwe Capra na munyinefwe umbi baletandalila nkashi pa ng’anda yakwe. 2. Munyinefwe Capra, ali mu cifungo na bamunyinefwe bambi, balepeela munyinefwe uulwele ifya kulya.

TAMBENI VIDIO ITILA “MULEBIKA AMANO KU FYO YEHOVA ACITA IFILANGA UKUTI ALIBA NO KUTEMWA UKUSHIPWA,” LYENA ASUKENI AYA MEPUSHO:

Cinshi tulingile ukuipelesesha pa kuti tulange ukuti twaliba no kutemwa ukushipwa?

Icasuko cenu
Mulandu nshi twingalandila ukuti pa kulanga ukutemwa ukushipwa tulingile ukuipelesha?

Icasuko cenu