Inkondo—Ifyo Ubufumu bwa kwa Lesa Bukacita

Inkondo nashilenga abantu mwi sonde lyonse ukulacula no kukalipwa. Moneni amalipoti ya konkapo:

• “Abantu abengi balifwile sana umwaka wapwile, kabili icalengele maka maka ni nkondo yaba ku Ethiopia na ku Ukraine.”—Peace Research Institute Oslo, iya pa 7 June 2023.

• “Inkondo ya ku Ukraine yalibipishe mu mwaka wa 2022. Lyena mu calo conse mwali ifimfulunganya kabili abantu ukufika ku mabilion 1.7 baliculilemo.”—The Armed Conflict Location & Event Data Project (ACLED), iya pa 8 February, 2023.

Baibolo ilalenga twaba ne subilo. Itila “Lesa wa mu muulu akemya ubufumu ubushakonaulwe nakalya.” (Daniele 2:44) Muli ubu ubufumu nelyo ubuteko, Lesa akalenga “inkondo ukupwa ukufika ku mpela sha pano isonde.”—Amalumbo 46:9.