Bushe mu Baibolo Mwaba Amano ya Bantunse?

Icasuko ca mu Baibolo

Mu Baibolo iitwa no kuti Amalembo ya Mushilo, mwaliba ifyebo fya mano ayengi. Lelo umfweni ifyo Baibolo iine ilanda. Itila: “Amalembo yonse aya mushilo yafuma kuli Lesa.” (2 Timote 3:16) Fingi filanga ukuti Baibolo yafuma kuli Lesa. Fimo ni fi:

• Takwaba uwalanda ifishinka ifilanga ukuti ifyaba mu Baibolo te fya cine.

• Abalembele Baibolo bantu ba cishinka abashafishile ifili fyonse. Ne ci cilanga ukuti mu Baibolo mwaba icine.

• Icikalamba ico Baibolo ilandapo sana ca kuti: Lesa e walinga ukuteka abantu no kuti Ubufumu bwakwe ubwa mu muulu bukalenga ifyo afwaya fikacitike.

• Nangu ca kutila Baibolo yalembelwe kale sana, ifyo ilanda pali sayansi fya cine. Tamwaba ifilubo ifyo abengi ku kale balemona kwati fya cine.

• Amalyashi ya kale yalanga ukuti amasesemo yabamo nelyo ifyo yalandile ukuti fikacitika ku ntanshi, fyalicitika.