Esaya 41:10—“Witiina, Pantu Ndi Nobe”

“Witiina, pantu ndi na iwe. Wilasakamana, pantu nine Lesa obe. Nkakukosha. Nkakwafwa. Nkakutungilila no kuboko kwandi ukwa ku kulyo ukwa bulungami.”—Esaya 41:10, Amalembo ya Calo Cipya.

“Witiina, pantu ndi nobe; wisakamana, pantu ndi Lesa obe. Ndekupokolola ku kulyo kwandi, ukacimfya.”—Isaya 41:10, Baibolo ya Diocese of Mbala.

Umwalola Amashiwi Yaba Pali Esaya 41:10

Yehovaa Lesa alyeba aba mupepa ababa ne cishinka ukuti akulabafwa, nangu bakwata amafya ya musango shani.

“Ndi nobe.” Yehova alyeba aba mupepa ukuti akulaba nabo kanshi tabafwile ukutiina. Pantu alamona fyonse ifibacitikila kabili alomfwa amapepo yabo, ciba kwati ali pamo nabo.—Amalumbo 34:15; 1 Petro 3:12.

“Nine Lesa obe.” Pa kusansamusha ababomfi bakwe, Yehova alabebukishako ukuti nangu ifintu fibipe nelyo fibe bwino taleka ukuba Lesa wabo. Kuti bashininkisha ukuti tapali nangu cimo icingalenga Lesa afilwa ukwafwa abantu bakwe.—Amalumbo 118:6; Abena Roma 8:32; AbaHebere 13:6.

“Nkakukosha. Nkakwafwa. Nkakutungilila no kuboko kwandi ukwa ku kulyo ukwa bulungami.” Ifi Yehova abomfeshe amashiwi yatatu pa kulanda pa cintu cimo, filanga ukuti pafwe nsofu kalulu akatwafwa. Abomfeshe icilangililo pa kulanga ifyo acita abantu bakwe nga balekabila ubwafwilisho. Umo nga awa, Lesa alamwimya ukubomfya ukuboko kwakwe ukwa ku kulyo.—Esaya 41:13.

Inshila iikalamba iyo Lesa abomfya pa kukoselesha no kwafwa abantu bakwe, Cebo cakwe Baibolo. (Yoshua 1:8; AbaHebere 4:12) Ku ca kumwenako, mu Icebo ca kwa Lesa mwaliba ifyebo ifingafwa ababa na mafya pamo nga ubupiina, ukulwala, nelyo ukufwilwa. (Amapinda 2:6, 7) Na kabili Lesa kuti abomfya umupashi wakwe uwa mushilo ukukosha ababomfi bakwe pa kuti baleshipikisha amafya.—Esaya 40:29; Luka 11:13.

Amashiwi Yambi Ayaba pa Fikomo Fimbi Muli Esaya 41:10

Aya mashiwi yalikoseleshe sana abaYuda abali ne cishinka abo basendele bunkole ku Babiloni. Yehova alisobele ukuti ilyo inshiku sha kuti abaYuda bakafume muli bunkole shikafika, kwali no kuba amalyashi ya kuti Babiloni ne nko shimbi ishali mupepi bali no kushisansa. (Esaya 41:2-4; 44:1-4) Pa nshita ilyo abena Babiloni ne nko ishali mupepi shaletiina ukushisansa, abaYuda tabali na kumfwa umwenso pantu Yehova ali no kubacingilila. Pa miku itatu Yehova abebele ukuti “witiina.”—Esaya 41:5, 6, 10, 13, 14.

Nangu ca kuti aya mashiwi pa kubala yalelanda ku bena Israele abo basendele bunkole ku Babiloni, Yehova Lesa alilengele amashiwi yaba pali Esaya 41:10 ukulembwa mu Baibolo pa kuti yakalekosha ababomfi bakwe bonse. (Esaya 41:10; 40:8; Abena Roma 15:4) Na muno nshiku alabafwa nga filya fine aleyafwa ababomfi bakwe ku kale.