Nangu Cibe Shani Icalo Conse Cikakwata Ifya Kulya Fyakumanina—Mu Nshila Nshi?

“TE MULANDU na fintu twabombesha te kuti tukwate ifya kulya ifyo tufwaisha muli uno mwanda wa myaka,” e fitunga Lester Brown, presidenti wa Worldwatch Institute iya mu Washington, D.C. Ukulingana na magazini wa New Scientist, ku kutendeka kwa 1995, amatala tayaiswile sana ica kuti yakwete amatani ya nyanje amamilioni 255 epela icipimo icacepesha pali fyonse—eyengaliisha icalo pa nshiku fye 48. Mu myaka ya ku numa lintu amatala yaleshala fye ne fya kulya fya kuliisha abantu mu nshiku shishalefika na kuli 60, ukupayanya kwalebukuluka. Lelo nomba akabungwe ka Worldwatch kaletwishika nga ca kuti isonde nalikwata amaka ya kupuupuutuka.

Pa numa ya myaka itatu iya busomboshi bushalondoloka kabili umo ifyalo fyafulilako filebomfya inyanje ukupeela ifitekwa, kuli fye inyanje shinono ishishele isha kupeela abapiina ababomfya shene nge ca kulya cikalamba. Magazini wa New Scientist asoko kuti nga ca kuti iyi mibele taibombelwepo mu kwangufyanya, abantu bilioni umo abapoosa mupepi na maperesenti 70 aya ndalama bafola ukushitamo ifya kulya kuti bafwe nsala.

Baibolo yasobele ukuti abekashi ba pe sonde mu nshita yesu bali no kulolenkana ne “fipowe.” (Luka 21:11) Lelo Lesa alyangwako kuli ubu bwafya. Mu cine cine, ukwangwako kwakwe ku bulanda bwa muntu mu kupelako kuli no kumonekesha lintu Ubufumu bwakwe bukalama imilandu ya pe sonde. Pali ilya nshita ‘icalo cikafumyo bulimi bwa ciko.’ ‘Mukaba ukupaka kwa ngano mu calo, na pa muulu wa mpili, fikafukila.’ (Ilumbo 67:6; 72:16) Lyene aya mashiwi ya mu busesemo ukukuma kuli Kabumba yakafikilishiwa: “Mupempule calo, no kucipakisha . . . Amanika yafimbane ngano.”—Ilumbo 65:9, 13.

Bushe tamutemenwe ubu bulayo bushaiwamina? Bushe kuti mwatemwa ukwishiba ifyo mwingesamwenamo muli bwene? Kanshi ipusheni Inte sha kwa Yehova ukumweba ifyafulilako pa lwa uyu Paradise walaiwa inshita ikakonkapo bakesa ku mwenu. Nga mwingatemwa umo ukwisa ku ŋanda ku mwenu ku kutungulula isambililo lya Baibolo ukwabula ukumulipilisha, twapaapaata lembeleni ku Watch Tower, Box 33459, Lusaka 10101, nelyo ku keyala kalinga ukufuma pe bula 2.

[Abatusuminishe Ukubomfya Icikope pe bula 32]

Icikope: Pictorial Archive (Near Eastern History) Est.