Cinshi “Cilekabilwa”?

UYU W Codex uwa Malandwe alibomba ulubali mu kupilibula kwa kulandapo kwa kwa Yesu kuli Marita, inkashi ya kwa cibusa wakwe wapalamisha Lasaro. Lintu Yesu atandalile ulupwa, Marita atontokonkenye ifyo caali icacindama ukupekanishisha Yesu ica kulya cawamisha, lelo mu cikuku atubulwile ifyo na o akonke ica kumwenako ca kwa nkashi mbiye Maria, uwaikele pe samba lya makasa yakwe ukukutika kuli wene. Asosele ukuti: “Cimo fye cafwaikwa: pantu Maria nasalo mulumbo usuma uushakapokwe kuli wene.”—Luka 10:42.

Aya mashiwi yapilibula ilembo lya ciGreek ilya 1881 ilyapekanishiwe na Westcott na Hort, icishinte kuli New World Translation. Futunoti kuli 1984 Reference Edition uwa iyi Baibolo ilangilila ukuti uku kupilibulwa kwafumine muli bamanyunskripiti ba Sinai (א) na Vatican (B), bonse babili abaimininako umusango umo wine uwa kulembwa. Lelo manyuskripiti iya Alexandrine (A) ibelengwo kuti: “Icintu cimo, nangu ni fyo, cili icakabilwa. Ku lubali lwakwe . . . ” Nga fintu futunoti isontako, Codex W, pamo pene na macinda ya Chester Beatty (P⁴⁵) na macinda ya Bodmer (P⁷⁵), fyonse fibili ifya mu mwanda wa myaka uwalenga itatu C.E., fisuminishanya pamo pene no ku kupilibula kwalekeleshako. Lelo bonse aba bamanyunskripiti balishibikwe mu kubangilila pa numa Westcott na Hort basabankenye ukulembwa mu mwaka wa 1881, ica kuti tabakwete ishuko lya mu nshita ku kulanguluka iyi mibele imbi ya kupilibwilamo. Ubuli bonse ubupilibulo bwa kulembwa twasobolapo ukwishiba ilelo, nangu cibe fyo, Yesu mu kumonekesha atweba ukubika pa ntanshi ifintu fya ku mupashi mu bumi bwesu—ukupanda amano uko tucita bwino ukukonka.