Ni Shani Fintu Twabombele mu November?

Nangu cingati mu mweshi wa September twalikwete icipimo cipya ica pa muulu ica bakasabankanya 83,310, Lipoti wa Mulimo uwa November alelangilila ukuti kuliko icintu cimo ico ifwe bonse tulekabila ukutontonkanyapo mu kusakamanishisha. Twakwete bakasabankanya 76,221 abacitile lipoti umulimo wabo uwa mwi bala, ukucepapo fye na pa bacitile lipoti mu November umwaka wapwa ukufika kuli 2,996. Twatungulwile amasambililo ya Baibolo aya mu ŋanda 102,402, icali kucepako kwa 1,143 pa mwaka wapwa. Icipusho cili ca kuti, Cinshi cingaba e mulandu? Bushe cili ni pa kuti icilonganino cenu tacatumine lipoti? Ici ciletucinkulako ulwa kukabila kwa kutuma lipoti wa mulimo wa mwi bala ku Sosaite mu nshita. Bakasabankanya umo umo na bo bene balingile ukucinkulwako ukumona ukukabila kwa kutuma amalipoti yabo aya mulimo wa mwi bala ku cilonganino pa mpela ya mweshi umo na umo. Lyonse fye kalemba alingile ukwibukisha ukupeela amashina ya bakasabankanya abashatumine amalipoti yabo kuli bakatungulula be Sambililo lya Citabo pa Cilonganino. Ici cilingile ukucitwa cila mweshi.