Amashiwi Yamo Ayo Babomfya Sana Mwi Buuku Lya Kwa Esekiele

“We Mwana wa Muntu”

AYA MASHIWI YABAMO UKUCILA PA MIKU 90

Ukucila pa miku 90 Esekiele balemwita ukuti “We mwana wa muntu.”(Esek. 2:1) Yehova alemwibukishako ukuti nangu ca kuti alikwete imilimo iikalamba, ali fye muntunse. Nomba mu Mabuuku ya Mbila Nsuma, Yesu bamwita ukuti “Umwana wa muntu” pa miku nalimo 80 pa kulangilila ukuti aishileba umuntunse, tali ni malaika uwalesanguka fye umuntunse.—Mat. 8:20.

“. . . Mukeshiba Ukuti Nine Yehova”

AYA MASHIWI YABAMO UKUCILA PA MIKU 50

Ukucila pa miku 50, Esekiele alilembele amashiwi Lesa amwebele aya kuti “mukeshiba ukuti nine Yehova” na yaba nga aya, pa kulangilila ukuti Yehova fye e ulingile ukupokelela ukupepa kwasanguluka.—Esek. 6:7.

“Shikulu Mulopwe Yehova”

AYA MASHIWI YABAMO IMIKU 217

Mwi buuku lya kwa Esekiele amashiwi ya kuti “Shikulu Mulopwe Yehova” yabamo imiku 217, pa kuti ishina lya kwa Lesa lishibikwe sana ukulingana ne fyo lifwile ukwishibikwa na pa kuti ifibumbwa fyonse filemunakila.—Esek. 2:4.