Ilembo lya Mwaka wa 2012

“Icebo Cenu E Cine.”—YOHANE 17:17.

Tulatasha Shifwe wa ku muulu uwatutemwa pa kutusokolwela icine! Icebo cakwe cilatweba ifyo tufwile ukucita pa kuti tuleikala bwino. Cilatusambilisha ukutaluka ku fya fye ifingatuletelela. Cilatusambilisha icine pa kuti bashimapepo belatubepa, kabili cilatusambilisha ne fya kuteka imitima. Cilatusambilisha imibele iisuma no kutulenga ukuba ne subilo lya kuti ifyo calaya fikacitika.

Icine cilenga twaikatana na bamunyinefwe isonde lyonse. Ne cacindamisha ca kuti, icine ca mu Baibolo cilatusambilisha pali Yehova no kutulanga ifyo twingapalama kuli ena. Natulecindika icine ico Yehova atusokolwela. Natucitemwishe no kuleka ciletutungulula muli fyonse ifyo tulecita.