Ol Sam
Singsing blong Deved.
24 Wol ya mo evri samting long hem, oli blong Jehova,+
Mo gudfala graon ya wetem olgeta we oli laef long hem, oli blong hem tu.
2 From hem i putum graon ya i stap strong long solwota+
Mo i stanemap i stap strong long ol reva.
3 ?Hu i save go antap long bigfala hil blong Jehova?+
?Mo hu i save stanap long holi ples blong hem?
4 Eni man we han blong hem i no gat rong, mo hat blong hem i klin gud,+
Mo i no talem laef blong Mi* blong mekem wan giaman promes,
Mo i no bin mekem wan giaman promes.+
5 Bambae hem i kasem ol blesing long Jehova+
6 Hemia nao jeneresen blong olgeta we oli stap lukaotem hem,
Hemia olgeta we oli stap lukaotem fes blong yu, God blong Jekob. (Selah)
7 !Ol get, yufala i leftemap hed blong yufala!+
!Ol doa blong bifo, yufala i open,*
Blong King ya we i hae we i hae i save kam insaed!+
8 ?Hu ya King ya we i hae we i hae?
Jehova, hem i strong mo i gat bigfala paoa,+
Jehova, hem i gat bigfala paoa long taem blong faet.+
9 !Ol get, yufala i leftemap hed blong yufala!+
!Ol doa blong bifo, yufala i open,
Blong King ya we i hae we i hae i save kam insaed!
10 ?King ya we i hae we i hae, hem i hu?
Jehova komanda blong ol ami, hem nao i King ya we i hae we i hae.+ (Selah)