Ol Sam
Long daerekta. Singsing blong Deved, man blong wok blong Jehova.
36 Sin i stap toktok long man nogud, dip insaed long hat blong hem,
Ae blong hem i soemaot se hem i no fraet long God.+
2 From we hem i stap luk hem wan se hem i gud bitim mak,
Nao i no luksave mastik blong hem mo i agensem.+
3 Ol tok long maot blong hem, oli spolem man mo oli giaman nomo,
Hem i soemaot se hem i no gat hed blong mekem samting we i gud.
4 Taem hem i stap long bed blong hem tu, hem i stap mekem ol plan blong spolem narafala.
Hem i stap long wan rod we i nogud,
Hem i no tanem baksaed long samting we i nogud.
5 O Jehova, fasin blong yu blong lavem man oltaem, i go kasem heven,+
Mo fasin blong yu blong holem promes oltaem, i go kasem klaod.
6 Stret fasin blong yu i olsem ol bigbigfala hil,*+
Ol jajmen blong yu, oli olsem ol bigfala wota we oli dip.+
O Jehova, yu yu lukaot gud long* man mo wael animol.+
7 !O God, fasin blong yu blong lavem man oltaem, i gud tumas!+
Ol pikinini blong man oli kam haed, long sado blong ol wing blong yu.+
8 Oli dring gogo oli fulap gud long plante rij samting* blong haos blong yu,+
Mo yu mekem olgeta oli dring long bigfala reva blong yu we i givim glad.+
10 Yu gohed blong soemaot fasin blong yu blong lavem man oltaem long olgeta we oli save yu,+
Mo stret fasin blong yu long olgeta we hat blong olgeta i stret.+
11 Yu no letem leg blong flas man i purumbut long mi
Mo han blong man nogud i ronemaot mi.
12 Ol man we oli stap mekem samting we i no stret, oli foldaon finis,
Yu kilimdaon olgeta finis mo oli no moa save girap.+