Ol Sam
93 !Jehova i kam King finis!+
Haenem blong hem i kavremap hem olsem wan klos.
Paoa i kavremap Jehova olsem wan klos,
Mo olsem wan strap we hem i werem oltaem.
Hem i stanemap wol* ya i stanap strong,
I no gat wan samting i save muvum.
2 Yu yu stanemap tron* blong yu i stap strong bifo finis i kam,+
Yu yu stap bifo we bifo olgeta kam kasem tede.+
3 O Jehova, ol reva oli ron strong,
Ol reva oli ron strong mo oli mekem bigfala noes.
Ol reva oli gohed blong ron strong mo oli stap faerap long ol ston.
4 Antap long heven, Jehova i gat bigfala paoa,+
Hem i stap antap long ol wota we oli stap mekem noes
Mo hem i strong moa i bitim ol wef blong solwota we oli stap brok.+
5 Man i save trastem ol rimaenda we yu stap givim.+
O Jehova, ol samting we oli tabu, oli flasemgud haos blong yu+ oltaem.*