4 Ale Jonatan i toktok long papa blong hem Sol, mo i tokbaot ol gudfala samting we Deved+ i bin mekem. Hem i talem se: “King, yu no mas mekem sin agens long man blong wok blong yu Deved, from we hem i no mekem sin agens long yu, mo ol samting we hem i mekem i blong givhan long yu.

23 Taem Abigel i luk Deved, kwiktaem nomo hem i jamdaon long dongki mo i foldaon long fored blong Deved we fes blong hem i godaon long graon, mo i bodaon long hem. 24 Biaen hem i foldaon long leg blong Deved mo i se: “Masta blong mi, plis yu blemem mi from samting ya. Mi mi gel blong wok blong yu, plis yu letem mi mi toktok long yu, mo yu lesin long ol tok we bambae mi talem.

13 hem i ansa i gobak se: “Yu no mas ting se from we yu stap long haos blong king, bambae yu no kasem trabol wetem ol narafala man Jiu. 14 Sipos yu stap kwaet we yu no mekem wan samting, bambae wan narafala i sevem mifala,+ be yu bambae yu ded, nao laen blong papa blong yu bambae i finis. ?Be hu i save? Ating yu yu kam kwin blong givhan long yumi long trabol ya.”+

 8 Yu no mas tok strong long man we i flas, sipos no, bambae hem i agensem yu.+

Yu mas tok strong long man we i waes, mo hem bambae i lavem yu.+