Ol Sam
Wan singsing we Deved i mekem blong presem God.
א [Aleph]
145 King, yu yu God blong mi, bambae mi leftemap yu,+
Bambae mi presem nem blong yu gogo i no save finis.+
ב [Beth]
ג [Gimel]
3 Jehova i hae olgeta mo i stret nomo we ol man oli presem hem,+
Ol samting we oli mekem nem blong hem i hae we i hae, man i no naf blong faenemaot evriwan.*+
ד [Daleth]
4 Olgeta jeneresen bambae oli leftemap ol wok blong yu,
Mo bambae oli tokbaot ol wok we oli soemaot paoa blong yu.+
ה [He]
5 Bambae ol man oli tokbaot bigfala paoa blong yu olsem king,+
Mo mi bambae mi tingting dip long ol gudgudfala wok blong yu.
ו [Waw]
6 Bambae oli tokbaot ol samting blong sapraes we yu mekem,*
Mo mi bambae mi talemaot haenem blong yu.
ז [Zayin]
7 Taem oli tingbaot bakegen ol gudfala fasin blong yu, bambae oli presem yu, we tok blong olgeta i olsem wota we i stap boel gogo i kafsaed,+
Mo bambae oli glad, oli singsing from stret fasin blong yu.+
ח [Heth]
8 Jehova i kaen mo i gat sore,+
I no save kros kwik, mo fasin blong hem blong lavem man oltaem i bigwan tumas.+
ט [Teth]
9 Jehova i mekem i gud long olgeta samting,+
Mo olgeta samting we hem i mekem oli pruvum se hem i gat sore.
י [Yod]
10 O Jehova, olgeta wok we yu mekem, bambae oli leftemap yu,+
Mo ol man we oli holemstrong long yu, bambae oli presem yu.+
כ [Kaph]
11 Bambae oli talemaot glori we oli kamaot from rul blong yu,+
Mo bambae oli stap tokbaot paoa blong yu,+
ל [Lamed]
12 Blong mekem ol man oli save ol wok we oli soemaot paoa blong yu,+
Mo ol gudfala samting we oli flasemgud rul blong yu.+
מ [Mem]
13 Rul blong yu, hem i wan rul we i stap gogo i no save finis,
Mo paoa blong yu blong rul long olgeta samting, i stap oltaem long olgeta jeneresen.+
ס [Samekh]
14 Jehova i stap sapotem olgeta we oli stap foldaon+
Mo i stap leftemap olgeta we oli harem nogud gogo oli kam slak from.+
ע [Ayin]
15 Olgeta samting oli stap lukluk i kam long yu, oli stap wet,
Yu yu givim kakae long olgeta long stret taem.+
פ [Pe]
16 Yu yu openem han blong yu
Mo yu givim samting we olgeta laef samting oli wantem tumas, nao oli harem gud.+
צ [Tsade]
17 Olgeta samting we Jehova i stap mekem, oli stret nomo,+
Mo hem i holemstrong long olgeta samting we hem i mekem.+
ק [Qoph]
18 Jehova i stap klosap long olgeta we oli stap singaot i go long hem,+
Hemia olgeta we oli singaot i go long hem long fasin we i tru.*+
ר [Resh]
19 Hem i stap givim samting we olgeta we oli fraet* long hem oli wantem tumas, nao oli harem gud,+
Hem i harem we oli krae from help, mo hem i sevem olgeta.+
ש [Shin]
20 Jehova i stap blokem gud olgeta we oli lavem hem,+
Be ol man nogud, bambae hem i kilim olgeta oli ded.+
ת [Taw]
21 Bambae maot blong mi i talemaot ol tok blong presem Jehova.+
I gud olgeta laef samting,* oli presem tabu nem blong hem gogo i no save finis.+