• 2 King 24:15
    Baebol Long Niu Wol Translesen

    • 15 Nao long fasin ya, hem i tekemaot Jehoeakin+ i go long Babilon.+ Hem i tekemaot mama blong king tu, wetem ol waef blong king, ol haeman blong king, mo ol impoten man blong taon, i tekemaot olgeta long Jerusalem mo i tekem olgeta i go long Babilon.

  • 2 Kronikel 36:9, 10
    Baebol Long Niu Wol Translesen

    • 9 Jehoeakin+ i gat 18 yia taem hem i kam king, mo hem i rul tri manis mo ten dei long Jerusalem. Mo hem i gohed blong mekem samting we i nogud long ae blong Jehova.+ 10 Long stat blong yia,* King Nebukadnesa i sanem ol man blong hem oli go tekem Jehoeakin i kam long Babilon,+ wetem ol sas samting we oli stap long haos blong Jehova.+ Mo hem i mekem Jedekia we i brata blong papa blong Jehoeakin, i kam king long Juda mo Jerusalem.+

  • Jeremaea 22:24
    Baebol Long Niu Wol Translesen

    • 24 “Mo Jehova i talem se: ‘!Long nem blong mi we mi laef i stap, mi talem se, nating sipos Konia*+ boe blong Jehoeakim,+ king blong Juda, hem i olsem spesel ring long raethan blong mi, be yet, bambae mi pulumaot yu long ples ya!

  • Jeremaea 22:30
    Baebol Long Niu Wol Translesen

    • 30 Hemia samting we Jehova i talem, i se:

      ‘Yu raetemdaon nem blong man ya olsem se hem i no gat pikinini,

      Olsem wan man we bambae i no save win long eni samting, long ful laef blong hem,

      From bambae i no gat wan long olgeta we i kamaot biaen long hem i tekem ples blong hem,

      I sidaon long tron* blong Deved mo i rul bakegen long Juda.’”+