9 Jehoeakin+ i gat 18 yia taem hem i kam king, mo hem i rul tri manis mo ten dei long Jerusalem. Mo hem i gohed blong mekem samting we i nogud long ae blong Jehova.+ 10 Long stat blong yia,* King Nebukadnesa i sanem ol man blong hem oli go tekem Jehoeakin i kam long Babilon,+ wetem ol sas samting we oli stap long haos blong Jehova.+ Mo hem i mekem Jedekia we i brata blong papa blong Jehoeakin, i kam king long Juda mo Jerusalem.+

30 Taswe, hemia samting we Jehova i talem agensem King Jehoeakim blong Juda se: ‘Bambae i no gat wan man blong hem i sidaon long tron* blong Deved,+ mo dedbodi blong hem bambae oli lego i stap nomo long bigsan long dei mo long kolkol long naet.+